Memleket basshysy Qasym-Jomart Toqaev Majarstan premer-ministri Viktor Orbanǵa quttyqtaý jedelhatyn joldady, - dep habarlaidy "Ult aqparat" Aqorda saityna silteme jasap.
Qasym-Jomart Toqaev Viktor Orbandy "FIDES - Hristian-demokratiialyq halyq partiiasy" koalitsiiasynyń parlamenttik sailaýdaǵy aiqyn jeńisimen jáne Majarstan Premer-ministri bolyp qaita sailanýymen Qazaqstan halqynyń jáne jeke óz atynan quttyqtady.
"Sailaýdaǵy jeńisińiz - otandastaryńyzdyń Sizge jáne Ózińiz basqaryp otyrǵan partiianyń Majarstannyń saiasi-ekonomikalyq turaqtylyǵyn qamtamasyz etýge, azamattarynyń yrys-berekesin eseleýge jáne onyń halyqaralyq bedelin nyǵaitýǵa baǵyttalǵan saraly saiasatyńyzǵa kórsetken keń qoldaýynyń aiǵaǵy ekeni sózsiz. Otanyńyzdyń múddesi men jarqyn bolashaǵy úshin sińirip júrgen qajyrly eńbegińizge, qolǵa alǵan tyń bastamalaryńyz ben mańyzdy josparlaryńyzǵa sáttilik árqashan serik bolýyna tilektestigimdi bildiremin", - dep jazylǵan quttyqtaý jedelhatta.
