Memleket basshysy Qasym-Jomart Toqaev Elena Rybakinany Ýimbldon týrniriniń finalyna shyǵýymen quttyqtady, dep habarlaidy "Ult aqparat".
«Elena Rybakinany tennistegi eń bedeldi jarys sanalatyn Ýimbldon týrnirinde tabysty óner kórsetýimen quttyqtaimyn. Ol finalǵa shyqty!» - dep jazdy Prezident áleýmettik jelide.
Aita keteiik, Qazaqstannyń birinshi, álemniń 23-raketkasy Elena Rybakina Ýimbldon týrniriniń finalyna shyqqan bolatyn. Qazaqstandyq tennisshi jartylai finalda álemniń burynǵy birinshi raketkasy, «Úlken dýlyǵa» týrniriniń eki márte chempiony (Frantsiia ashyq chempionaty – 2018, Ýimbldon – 2019), qazirgi kezde reitingide 18-satyda turǵan rýmyniialyq Simona Haleppen kezdesip, jeńiske jetti.
