Foto: Aqorda
Qazaqstan Prezidenti Qasym-Jomart Toqaev Birikken Ulttar Uiymy Bas Assambleiasynyń 80-sessiiasynda jalpy debatta sóz sóiledi, dep habarlaidy Ult.kz.
Memleket basshysy BUU-nyń sońǵy seksen jyl boiy adamzat aldyndaǵy jahandyq syn-qaterlerdi eńserýde negizgi ról atqaryp kele jatqanyn atap ótti. Onyń aitýynsha, Uiym ujymdyq qaýipsizdik, iadrolyq qarýdy taratpaý, beibitshilikti saqtaý, ornyqty damý jáne adam quqyqtaryn qorǵaý baǵytynda zor úles qosyp keledi.
Alaida Prezident qazirgi álemniń túbegeili ózgergenin jáne kópjaqty institýttarǵa degen senimniń daǵdarysqa ushyraǵanyn ashyq aitty.
– «Halyqaralyq quqyqty óreskel buzý qalypty jaǵdaiǵa ainaldy. Bul turaqtylyqqa nuqsan keltirip, halyqtar men memleketter arasyndaǵy senimge syzat túsirdi», – dedi Toqaev.
Qasym-Jomart Toqaev BUU-ny jan-jaqty reformalaý strategiialyq qajettilik ekenin atap ótti. Onyń pikirinshe, reforma Qaýipsizdik Keńesin qaita qaraýdan bastalýy tiis. Aziia, Afrika jáne Latyn Amerikasyndaǵy iri memleketterdiń ókilderi keńeste rotatsiia tártibimen usynylýy qajet.
Sonymen birge Qazaqstan orta derjavalardyń da daýysy halyqaralyq deńgeide aiqyn estilýi kerek dep sanaidy.
– «Uly derjavalar ózara mámilege kele almaǵan jaǵdaida, orta derjavalar dáneker ról atqara alady», – dedi Prezident.
Onyń aitýynsha, qazirgi býyn kóshbasshylary áreketsizdik tanytpaýǵa tiis, sebebi onyń zardabyn keleshek urpaq kóredi.
Tolyq mátindi osy jerden oqi alasyz.
