فوتو: اقوردا
قازاقستان پرەزيدەنتٸ قاسىم-جومارت توقاەۆ بٸرٸككەن ۇلتتار ۇيىمى باس اسسامبلەياسىنىڭ 80-سەسسيياسىندا جالپى دەباتتا سٶز سٶيلەدٸ, دەپ حابارلايدى Ult.kz.
مەملەكەت باسشىسى بۇۇ-نىڭ سوڭعى سەكسەن جىل بويى ادامزات الدىنداعى جاھاندىق سىن-قاتەرلەردٸ ەڭسەرۋدە نەگٸزگٸ رٶل اتقارىپ كەلە جاتقانىن اتاپ ٶتتٸ. ونىڭ ايتۋىنشا, ۇيىم ۇجىمدىق قاۋٸپسٸزدٸك, يادرولىق قارۋدى تاراتپاۋ, بەيبٸتشٸلٸكتٸ ساقتاۋ, ورنىقتى دامۋ جەنە ادام قۇقىقتارىن قورعاۋ باعىتىندا زور ٷلەس قوسىپ كەلەدٸ.
الايدا پرەزيدەنت قازٸرگٸ ەلەمنٸڭ تٷبەگەيلٸ ٶزگەرگەنٸن جەنە كٶپجاقتى ينستيتۋتتارعا دەگەن سەنٸمنٸڭ داعدارىسقا ۇشىراعانىن اشىق ايتتى.
– «حالىقارالىق قۇقىقتى ٶرەسكەل بۇزۋ قالىپتى جاعدايعا اينالدى. بۇل تۇراقتىلىققا نۇقسان كەلتٸرٸپ, حالىقتار مەن مەملەكەتتەر اراسىنداعى سەنٸمگە سىزات تٷسٸردٸ», – دەدٸ توقاەۆ.
قاسىم-جومارت توقاەۆ بۇۇ-نى جان-جاقتى رەفورمالاۋ ستراتەگييالىق قاجەتتٸلٸك ەكەنٸن اتاپ ٶتتٸ. ونىڭ پٸكٸرٸنشە, رەفورما قاۋٸپسٸزدٸك كەڭەسٸن قايتا قاراۋدان باستالۋى تيٸس. ازييا, افريكا جەنە لاتىن امەريكاسىنداعى ٸرٸ مەملەكەتتەردٸڭ ٶكٸلدەرٸ كەڭەستە روتاتسييا تەرتٸبٸمەن ۇسىنىلۋى قاجەت.
سونىمەن بٸرگە قازاقستان ورتا دەرجاۆالاردىڭ دا داۋىسى حالىقارالىق دەڭگەيدە ايقىن ەستٸلۋٸ كەرەك دەپ سانايدى.
– «ۇلى دەرجاۆالار ٶزارا مەمٸلەگە كەلە الماعان جاعدايدا, ورتا دەرجاۆالار دەنەكەر رٶل اتقارا الادى», – دەدٸ پرەزيدەنت.
ونىڭ ايتۋىنشا, قازٸرگٸ بۋىن كٶشباسشىلارى ەرەكەتسٸزدٸك تانىتپاۋعا تيٸس, سەبەبٸ ونىڭ زاردابىن كەلەشەك ۇرپاق كٶرەدٸ.
تولىق مەتٸندٸ وسى جەردەن وقي الاسىز.
