Prezident Qasym-Jomart Toqaev aýyl sharýashylyǵy ministri Erbol Qarashókeevti qabyldady, - dep habarlaidy "Ult aqparat" Aqorda saityna silteme jasap.
Memleket basshysyna elimizdiń agroónerkásiptik kesheniniń qazirgi jaǵdaiy jáne 2022 jylǵa arnalǵan mindetter, azyq-túlik qaýipsizdigin qamtamasyz etý, sondai-aq salany reformalaý boiynsha qabyldanyp jatqan sharalar týraly baiandaldy.
Erbol Qarashókeev Prezident tapsyrmalarynyń oryndalý barysy týraly baiandady. Atap aitqanda, fermerlerdiń kóktemgi egis jumystaryn júrgizýge daiyndyǵy týraly habardar etti. Vedomstvo sharýalardyń janar-jaǵarmai, tyńaitqysh, tuqym qorlarymen qamtamasyz etilgenderin jáne tehnikalardyń daiyndyǵyn qaita tekserdi. Prezident osy baǵyttaǵy qarjylandyrý kólemin 2 ese ulǵaitý týraly sheshim qabyldady. Ministrdiń aitýynsha, qazirgi ýaqytta sharýashylyqtar kóktemgi egis naýqanyna tolyq daiyn.
Sonymen qatar, Memleket basshysy agroónerkásiptik keshen jáne veterinariia salasyn memlekettik qoldaý júiesin jetildirý, jeke qosalqy sharýashylyqtardy damytý úderisterimen tanysty.
Kezdesý sońynda Qasym-Jomart Toqaev azyq-túlik qaýipsizdigin qamtamasyz etý, otandyq taýarlardy jańa naryqtarǵa shyǵarý, agrarlyq ǵylymdy damytý, kóktemgi egisti sapaly júrgizý jóninde birqatar tapsyrma berdi. Sondai-aq jerdi tiimdi paidalaný úderisine jáne paidalanylmaityn jerlerdi qaitarýǵa baqylaýdy kúsheitý qajettigin atap ótti.
