Memleket basshysy Astana Qazaqstan Team velokomandasynyń bas menedjeri, Qazaqstan velosport federatsiiasynyń vitse-prezidenti Aleksandr Vinokýrovpen kezdesý ótkizdi, dep habarlaidy "Ult aqparat" Aqorda resmi saityna silteme jasap.
Olimpiada chempiony Prezidentke Astana Qazaqstan Team velokomandasynyń sońǵy jetistikteri men aldaǵy jospary týraly aitty.
Qasym-Jomart Toqaevqa elimizdegi velosporttyń damýy jóninde, buqaralyq jáne balalar men jasóspirimder sportyn qoldaý, sonyń ishinde elimizdiń túrli qalalarynda velosiped tebýdiń ekstremaldi túrimen ainalysatyn sportshylar men áýesqoilar úshin VMH parkterin salý jáne Almatydaǵy velotrekti jańǵyrtý jaiynda málimet berildi.
Memleket basshysy velokomandanyń aldaǵy kezeńge arnalǵan josparyn qoldap, Astana Qazaqstan Team Qazaqstannyń halyqaralyq arenadaǵy sporttyq brendi ekenin erekshe atap ótti.
