Búgin Memleket basshysy Qasym-Jomart Toqaev 69 jasqa toldy, - dep habarlaidy Tengrinews.kz tilshisi.
Qasym-Jomart Toqaev 1953 jyly 17 mamyrda Almatyda dúniege kelgen. Esenberlin atyndaǵy № 25 Almaty gimnaziiasynda oqyǵan.
Ákesi Kemel Toqaev - belgili jýrnalist jáne maidanger. Ol 1923 jyly Taldyqorǵan oblysynyń Qaratal aýdanynda dúniege kelgen. 18 jasynda maidanǵa attanyp, aýyr jaraqat alǵan. Soǵystan keiin jýrnalist bolyp jumys istegen, kitap jazǵan.
Prezident Máskeý memlekettik halyqaralyq qatynastar institýtyn támamdaǵan. 1975 jyly KSRO Syrtqy ister ministrligine qyzmetke kirdi. Singapýrdaǵy keńes elshiligine jumysqa jiberildi. 1979 jyldan 1983 jylǵa deiin KSRO Syrtqy ister ministrliginiń aǵa referenti, attashesi, úshinshi hatshysy boldy. Ár jyldary KSRO Syrtqy ister ministrliginiń hatshysy bolyp jumys istedi.
1993 jyldan bastap Táýelsiz Qazaqstannyń syrtqy ister ministriniń orynbasary, keiin ministri boldy. 1999-2002 jyldar aralyǵynda premer-ministr bolyp jumys istedi, keiin Syrtqy ister ministrligine oralyp, 2007 jyly depýtat bolady da, Senat tóraǵasy atanady. 2011 jyly Toqaev BUU-nyń Jenevadaǵy Eýropalyq bólimshesiniń basshysy jáne BUU Bas hatshysynyń orynbasary bolý úshin depýtattyq orynnan ketedi. Senatqa 2013 jyldyń qazanynda oralady.
Toqaevtyń burynǵy jarynyń esimi - Nadejda Davydovna Toqaeva (ajyrasqannan keiingi tegi belgisiz). Erli-zaiypty arasynda bir ul bar - Timýr Toqaev, qazir 38 jasta. Ol Resei SIM diplomatiialyq akademiiasynda saiasi ǵylymdar kandidaty ǵylymi dárejesin qorǵaǵan. Timýr Toqaev munai salasyndaǵy tabysty kásipker ekeni belgili. Sonymen qatar, ol atasy Kemel Toqaev atyndaǵy qaiyrymdylyq qoryn basqarady.
19 naýryzda Qazaqstannyń Tuńǵysh Prezidenti Nursultan Nazarbaev óz ókilettigin toqtatatynyn málimdedi. Nazarbaev Toqaev Qazaqstandy basqarýdy senip tapsyra alatyn adam ekenin atap ótken edi. 2019 jyldyń 20 naýryzynda Toqaev Qazaqstan Respýblikasy Prezidenti retinde ant berdi. 2019 jyly 10 maýsymda Prezident sailaýynda jeńiske jetti.
Prezidenttiń beiresmi sýretteri kóp emes. Jaqynda shyqqany – Máskeýdegi serýen kezindegi sýreti. Toqaev Máskeýge Resei prezidenti Vladimir Pýtinniń jáne UQShU Ujymdyq Qaýipsizdik keńesiniń tóraǵasy, Armeniia premer-ministri Nikol Pashiniannyń shaqyrýymen ushyp keldi. 16 mamyrda UQShU sammiti ótti, jiynǵa Memleket basshysy da qatysty.
Buǵan deiin Toqaev Ankaraǵa memlekettik saparynda Túrkiia prezidentimen birge ústel tennisin oinaǵan bolatyn.
