Shyǵys Qazaqstan oblysynyń ákimi Danial Ahmetov Kúrshim aýdanyna aparatyn Qyzyl tý ótkeline kópir mindetti túrde salynatynyn málimdedi, dep habarlaidy "Ult aqparat".
«Kópir týraly másele bizge belgili. Prezidenttiń tapsyrmasyn sózsiz oryndaimyz. Qazirgi kezde jobamyz bar. Az ýaqyttyń ishinde ózimizdiń arnaiy protsedýramyzdy ótkizemiz. Meniń oiymsha, osy jobaǵa biýdjetten qarajat bólinedi. Múmkin oǵan basqa eldiń investory tartylady», - dedi Danial Ahmetov búgin Ortalyq kommýnikatsiialar qyzmetinde ótken baspasóz máslihatynda.
Oblys ákimi kópir qurylysynyń jobasy boiynsha tenderlik protsedýra ótkiziletinin aityp ótti.
Eske sala ketsek, buǵan deiin Memleket basshysy Qasym-Jomart Toqaev Úkimetke Shyǵys Qazaqstan oblysynyń ákimdigimen birge Buqtyrma sý qoimasy arqyly kópir salý úshin qarjy bólý máselesin qarastyrýdy tapsyrǵan bolatyn.
«Egemen Qazaqstan» gazeti ShQO Kúrshim aýdanynyń 20 myńnan astam turǵynyn tolǵandyrǵan ózekti máseleni kóterdi. Halyq 50 jyl buryn salynǵan eski parommen qatynap júr. Úkimetke ShQO ákimdigimen birge Buqtyrma sý qoimasyna kópir salý úshin qarjy bólý máselesin qarastyrýdy tapsyramyn», - dep jazdy Qasym-Jomart Toqaev.
