Meditsina qyzmetkerleriniń zańdy jáne qarjylai qorǵanýy ári jaýapkershiligi júiesin engizý qajet. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, – dep habarlaidy QazAqparat.
«Taiaýda ǵana qazaqstandyq meditsina týraly kez kelgen eskertýler biryńǵai teris pikirler týdyryp keldi. Dárigerlik qatelik úshin zańsyz ári ádiletsiz qylmystyq qýdalaý faktileri de jii oryn aldy. Menińshe, bul tájiribeni qaita qaraý qajet», - dedi Memleket basshysy.
QR Prezidentiniń atap ótýinshe, óz mindetin tiisti deńgeide oryndamaǵan meditsina qyzmetkerleriniń qylmystyq jaýapkershiligine qatysty syni saraptamany qaita qaraý qajet.
«Tergeý barysynda nemqurailylyq deńgeiin anyqtaý óte kúrdeli. Buǵan qosa, qylmystyq bapqa tartylǵan dárigerlerdiń az emestigin de bilemiz. Sonymen qatar klinikalyq zertteý júrgizý tártibin buzǵany úshin qylmystyq jazalaýdy qoldaýdy qaita qarastyrǵan jón. Jazalaný qateri meditsina mamandaryn ǵylymnan jerindiredi. Árine, joǵaryda aitylǵandar dárigerlerden azamattardyń ómiri men densaýlyǵyna jaýapkershiligin alyp tastamaidy. Biraq, mundai jaýapkershilik álemniń damyǵan elderindegidei ákimshilik jáne azamattyq-quqyqtyq bolýy tiis. Kásibi qyzmetine kepildik berýdi qosa alǵanda, meditsina qyzmetkerleriniń zańdy jáne qarjylai qorǵanýy ári jaýapkershiligi júiesin ázirlep, engizýdi tapsyramyn», - dep atap ótti Qasym-Jomart Toqaev.
