مەديتسينا قىزمەتكەرلەرٸنٸڭ زاڭدى جەنە قارجىلاي قورعانۋى ەرٸ جاۋاپكەرشٸلٸگٸ جٷيەسٸن ەنگٸزۋ قاجەت. بۇل تۋرالى ۇلتتىق قوعامدىق سەنٸم كەڭەسٸنٸڭ 3-وتىرىسىندا قر پرەزيدەنتٸ قاسىم-جومارت توقاەۆ ايتتى, – دەپ حابارلايدى قازاقپارات.
«تاياۋدا عانا قازاقستاندىق مەديتسينا تۋرالى كەز كەلگەن ەسكەرتۋلەر بٸرىڭعاي تەرٸس پٸكٸرلەر تۋدىرىپ كەلدٸ. دەرٸگەرلٸك قاتەلٸك ٷشٸن زاڭسىز ەرٸ ەدٸلەتسٸز قىلمىستىق قۋدالاۋ فاكتٸلەرٸ دە جيٸ ورىن الدى. مەنٸڭشە, بۇل تەجٸريبەنٸ قايتا قاراۋ قاجەت», - دەدٸ مەملەكەت باسشىسى.
قر پرەزيدەنتٸنٸڭ اتاپ ٶتۋٸنشە, ٶز مٸندەتٸن تيٸستٸ دەڭگەيدە ورىنداماعان مەديتسينا قىزمەتكەرلەرٸنٸڭ قىلمىستىق جاۋاپكەرشٸلٸگٸنە قاتىستى سىني ساراپتامانى قايتا قاراۋ قاجەت.
«تەرگەۋ بارىسىندا نەمقۇرايلىلىق دەڭگەيٸن انىقتاۋ ٶتە كٷردەلٸ. بۇعان قوسا, قىلمىستىق باپقا تارتىلعان دەرٸگەرلەردٸڭ از ەمەستٸگٸن دە بٸلەمٸز. سونىمەن قاتار كلينيكالىق زەرتتەۋ جٷرگٸزۋ تەرتٸبٸن بۇزعانى ٷشٸن قىلمىستىق جازالاۋدى قولداۋدى قايتا قاراستىرعان جٶن. جازالانۋ قاتەرٸ مەديتسينا ماماندارىن عىلىمنان جەرٸندٸرەدٸ. ەرينە, جوعارىدا ايتىلعاندار دەرٸگەرلەردەن ازاماتتاردىڭ ٶمٸرٸ مەن دەنساۋلىعىنا جاۋاپكەرشٸلٸگٸن الىپ تاستامايدى. بٸراق, مۇنداي جاۋاپكەرشٸلٸك ەلەمنٸڭ دامىعان ەلدەرٸندەگٸدەي ەكٸمشٸلٸك جەنە ازاماتتىق-قۇقىقتىق بولۋى تيٸس. كەسٸبي قىزمەتٸنە كەپٸلدٸك بەرۋدٸ قوسا العاندا, مەديتسينا قىزمەتكەرلەرٸنٸڭ زاڭدى جەنە قارجىلاي قورعانۋى ەرٸ جاۋاپكەرشٸلٸگٸ جٷيەسٸن ەزٸرلەپ, ەنگٸزۋدٸ تاپسىرامىن», - دەپ اتاپ ٶتتٸ قاسىم-جومارت توقاەۆ.
