Búgin QR Premer-Ministriniń orynbasary E. Toǵjanovtyń tóraǵalyǵymen ótken Vedomstvoaralyq komissiianyń otyrysynda Memleket basshysy Q. Toqaevtyń koronavirýs pandemiiasynyń ekinshi tolqynyna daiyndyq máseleleri jónindegi 7 qazandaǵy keńeste bergen tapsyrmalaryn oryndaý boiynsha naqty sharalar ázirlendi, dep habarlaidy Premer-Ministrdiń baspasóz qyzmeti.
«Keshe Qasym-Jomart Kemeluly kóz jumǵan 182 meditsina qyzmetkeriniń otbasylaryna, sondai-aq qyzmet atqarý kezinde COVID-19-ben aýyrǵan dárigerlerge ótemaqy tóleý boiynsha jedel sharalar qabyldaýdy tapsyrdy. Osyǵan bailanysty óńirlerdiń ákimdikterine, densaýlyq saqtaý, eńbek jáne halyqty áleýmettik qorǵaý ministrlikterine meditsina qyzmetkerleriniń qaitys bolý faktisi boiynsha ótemaqy tóleýdi ústimizdegi jyldyń 13 qazanynda aiaqtaýdy tapsyramyn. Sondai-aq aǵymdaǵy jylǵy 17 qazanda óńirlik komissiialarda ótinimderi qaralǵan kásibi qyzmetti júzege asyrý kezinde aýyrǵan dárigerlerge ótemaqy taǵaiyndaýdy aiaqtaýdy qamtamasyz etý qajet» , – dedi E. Toǵjanov.
Memleket basshysynyń tapsyrmasyn oryndaý maqsatynda Vedomstvoaralyq komissiia memlekettik organdarmen, «Atameken» UKP-men jáne otandyq taýar óndirýshilermen talqylaý qorytyndysy boiynsha qorǵanysh maskalaryna 40 teńge, bir rettik meditsinalyq maskalarǵa 60 teńge mólsherinde shekti bólshek saýda baǵasyn belgiledi.
Sondai-aq, E. Toǵjanov jaýapty memlekettik organdarǵa biznes-qoǵamdastyqpen, salalyq qaýymdastyqtarmen birlesip, halyqqa qyzmettiń qoljetimdiligin arttyrý úshin úsh kúndik merzimde PTR testileý baǵasyn tómendetý máselesin pysyqtap, Vedomstvoaralyq komissiianyń kelesi otyrysyna kelisilgen usynystardy shyǵarýdy tapsyrdy.
Sonymen qatar, Premer-Ministrdiń orynbasary bir apta merzimde óńirlerde PTR testileýdi birkelki ótkizýdi qamtamasyz etýdi, karantindik rejimdi buzýshylyqtardy, onyń ishinde QR memlekettik shekarasy arqyly ótkizý pýnktterinde, áýejailarda, temirjol vokzaldarynda anyqtaý boiynsha monitoring toptarynyń jumysynyń tiimdiligin arttyrýdy tapsyrdy.
Shymkent qalasy, Aqmola, Aqtóbe jáne Batys Qazaqstan oblystarynyń ákimdikterine turaqtandyrý qorlaryndaǵy dárilik zattar rezerviniń kólemin ulǵaitý tapsyryldy.
Sonymen qatar, koronavirýs infektsiiasynyń taralýyna jol bermeý jáne infektsiia oshaqtaryn ýaqtyly oqshaýlaý maqsatynda Vedomstvoaralyq komissiia «Saqbol» mobildi qosymshasyn engizýdi maquldady. Qosymsha tegin, jeke derekterdi taratpaidy, juqtyrǵan adamdarmen bailanys týraly azamattardy ýaqtyly habardar etýge múmkindik beredi.
Keńes qorytyndysy boiynsha Premer-Ministrdiń orynbasary birqatar basqa da tapsyrmalar berdi.
