Parlament Senatynyń jalpy otyrysynda «Qazaqstan Respýblikasynyń Úkimeti týraly» Qazaqstan Respýblikasynyń Konstitýtsiialyq zańyna ózgerister engizý týraly» QR Konstitýtsiialyq Zańy qabyldandy, dep habarlaidy "Ult aqparat".
Osy zań jobasy Memleket basshysynyń 2020 jylǵy 1 qyrkúiektegi jaýapty hatshylar institýtyn taratý týraly tapsyrmasyn iske asyrý maqsatynda ázirlendi.
«Qazirgi ýaqytta jaýapty hatshylardy Prezident taǵaiyndaidy jáne olar tiisinshe joǵary statýsqa ie. Osy túzetýler qabyldanǵannan keiin olardyń mindetteri apparat basshylaryna júkteledi. Apparat basshylaryn ministrler taǵaiyndaidy jáne olarǵa esepti bolady.
Osyǵan bailanysty, «Qazaqstan Respýblikasynyń Úkimeti týraly» Konstitýtsiialyq Zańnan jaýapty hatshylardyń mártebesi men ókilettikterin retteitin normalardy alyp tastaý jáne olardy «Memlekettik qyzmet týraly» zańda apparat basshylaryna bekitý usynylady», - dedi QR Memlekettik qyzmet isteri agenttiginiń tóraǵasy Anar Jaiylǵanova.
Zań jobasynan kútiletin nátijeler:
- memlekettik apparattyń turaqtylyǵy;
- memlekettik organdardyń birinshi basshylarynyń jaýapkershiligin arttyrý;
- memlekettik organdardyń jumysyndaǵy kadrlyq sabaqtastyqty saqtaý.
