QR Aqparat jáne qoǵamdyq damý vitse-ministri Daniiar Isin Ádilet ministrliginde ótken vedomstvoaralyq komissiia otyrysynda «Qazaqstan Respýblikasynda beibit jiyndardy uiymdastyrý jáne ótkizý tártibi» týraly zań jobasynyń tujyrymyn tanystyrdy, dep habarlaidy QazAqparat.
«Biz usynyp otyrǵan zań jobasy – 1995 jyly Qazaqstanda qabyldanǵan zańdy almastyrǵaly otyrǵan jańa qujat. 1995 jyly baptardyń formatynyń sany 12 bolsa, jańa zańda 21 bap qarastyrylyp otyr. Birinshiden, beibit jiyndardyń zańnamalyq bazalyq qaǵidattaryn engizbekpiz. Ekinshiden zań jobasyna anyqtamalyq apparat engiziledi. Sonymen qatar, zańda beibit jiyndy uiymdastyrýshylardyń, qatysýshylardyń, jýrnalisterdiń mártebesi, mindeti men quqyǵy aiqyndalady. Sondai-aq zańǵa memlekettik organdardyń quzyreti engizilip, beibit jiyn ótkizýge bolatyn oryndar belgilenedi. Piket, miting, jiynǵa arnaiy oryndarda 250 adamnan az halyq qatysqan jaǵdaida – beibit jiyndy ótkizýdiń habarlandyrý tártibi engiziledi», - dedi vedomstvoaralyq komissiiadan keiin tilshilerdiń suraǵyna jaýap bergen Daniiar Isin.
Vitse-ministrdiń aitýyna qaraǵanda, osy aitylǵandarmen qosa reglamenttik tártip te engiziledi.
«Al eger demonstratsiia, miting, sherýge qatysýshylardyń sany 250 adamnan assa – beibit jiyn ótkizý úshin ruqsat alý kerek bolady. Sondai-aq habarlandyrý men ótinimdi qaraýdyń naqty mehanizmi bekitiledi. Beibit jiyn ótkizýdiń nasihat institýty engiziledi. Sondai-aq, beibit jiyn ótkizýden bas tartylatyn negizdemelerdiń tizimi daiyndalady», - dedi ol.
Osyǵan deiin beibit jinalystar týraly zań jobasynyń tujyrymdamasy qoǵam talqysyna shyǵarylǵandyǵyn jazǵan bolatynbyz.
.jpeg)