قر اقپارات جەنە قوعامدىق دامۋ ۆيتسە-مينيسترٸ دانييار يسين ەدٸلەت مينيسترلٸگٸندە ٶتكەن ۆەدومستۆوارالىق كوميسسييا وتىرىسىندا «قازاقستان رەسپۋبليكاسىندا بەيبٸت جيىنداردى ۇيىمداستىرۋ جەنە ٶتكٸزۋ تەرتٸبٸ» تۋرالى زاڭ جوباسىنىڭ تۇجىرىمىن تانىستىردى, دەپ حابارلايدى قازاقپارات.
«بٸز ۇسىنىپ وتىرعان زاڭ جوباسى – 1995 جىلى قازاقستاندا قابىلدانعان زاڭدى الماستىرعالى وتىرعان جاڭا قۇجات. 1995 جىلى باپتاردىڭ فورماتىنىڭ سانى 12 بولسا, جاڭا زاڭدا 21 باپ قاراستىرىلىپ وتىر. بٸرٸنشٸدەن, بەيبٸت جيىنداردىڭ زاڭنامالىق بازالىق قاعيداتتارىن ەنگٸزبەكپٸز. ەكٸنشٸدەن زاڭ جوباسىنا انىقتامالىق اپپارات ەنگٸزٸلەدٸ. سونىمەن قاتار, زاڭدا بەيبٸت جيىندى ۇيىمداستىرۋشىلاردىڭ, قاتىسۋشىلاردىڭ, جۋرناليستەردٸڭ مەرتەبەسٸ, مٸندەتٸ مەن قۇقىعى ايقىندالادى. سونداي-اق زاڭعا مەملەكەتتٸك ورگانداردىڭ قۇزىرەتٸ ەنگٸزٸلٸپ, بەيبٸت جيىن ٶتكٸزۋگە بولاتىن ورىندار بەلگٸلەنەدٸ. پيكەت, ميتينگ, جيىنعا ارنايى ورىنداردا 250 ادامنان از حالىق قاتىسقان جاعدايدا – بەيبٸت جيىندى ٶتكٸزۋدٸڭ حابارلاندىرۋ تەرتٸبٸ ەنگٸزٸلەدٸ», - دەدٸ ۆەدومستۆوارالىق كوميسسييادان كەيٸن تٸلشٸلەردٸڭ سۇراعىنا جاۋاپ بەرگەن دانييار يسين.
ۆيتسە-مينيستردٸڭ ايتۋىنا قاراعاندا, وسى ايتىلعاندارمەن قوسا رەگلامەنتتٸك تەرتٸپ تە ەنگٸزٸلەدٸ.
«ال ەگەر دەمونستراتسييا, ميتينگ, شەرۋگە قاتىسۋشىلاردىڭ سانى 250 ادامنان اسسا – بەيبٸت جيىن ٶتكٸزۋ ٷشٸن رۇقسات الۋ كەرەك بولادى. سونداي-اق حابارلاندىرۋ مەن ٶتٸنٸمدٸ قاراۋدىڭ ناقتى مەحانيزمٸ بەكٸتٸلەدٸ. بەيبٸت جيىن ٶتكٸزۋدٸڭ ناسيحات ينستيتۋتى ەنگٸزٸلەدٸ. سونداي-اق, بەيبٸت جيىن ٶتكٸزۋدەن باس تارتىلاتىن نەگٸزدەمەلەردٸڭ تٸزٸمٸ دايىندالادى», - دەدٸ ول.
وسىعان دەيٸن بەيبٸت جينالىستار تۋرالى زاڭ جوباسىنىڭ تۇجىرىمداماسى قوعام تالقىسىنا شىعارىلعاندىعىن جازعان بولاتىنبىز.
.jpeg)