Densaýlyq saqtaý ministri Aleksei Tsoi epidemiiaǵa qarsy bir kisidei atsalysqan meditsina qyzmetkerlerdiń bári de nazardan tys qalmaitynyna sendirdi, dep habarlaidy "Ult aqparat".
«Epidemiiaǵa qarsy bir kisidei atsalysqan meditsina qyzmetkerlerdiń bárin de tiisti áleýmettik ótemaqymen qamtýǵa tyrysamyz. Memleket basshysynyń memlekettik komissiia otyrysynda bergen tapsyrmasyna sáikes, osy jyldyń naýryz aiynan beri meditsinalyq qyzmetkerlerge yntalandyratyn tólemder júrgizilýde. Búginge deiin meditsinalyq qyzmetkerlerge 7,7 mlrd teńgeniń tólemi júrgizildi. Prezident 1 qyrkúiekte halyqqa Joldaýynda yntalandyratyn ústemaqy berýdi 2020 jyldyń sońyna deiin jalǵastyrýdy tapsyrǵan edi. Osy maqsatta biýdjetten 137 mlrd teńge bólindi», - dedi Aleksei Tsoi OKQ-da ótken baspasóz máslihatynda.
