NCOC kompaniiasy qorshaǵan ortaǵa shyǵaryndylardy azaitý úshin jańa sý tazalaý nysanyn iske qospaq, dep habarlaidy "Ult aqparat" QR Ekologiia ministrliginiń Telegram kanalyna silteme jasap.
Ministrliktiń habarlaýynsha, mundai tapsyrmany Memleket basshysy Qasym-Jomart Toqaev bergen. Osyǵan bailanysty ministrlik pen kompaniia arasyndaǵy kelisim negizinde nysan qurylysy bastaldy.
Ol iske qosylǵannan keiin munaimen birge keletin sýdyń quramyndaǵy lastaýshy zattar kólemi tómendep, qorshaǵan ortaǵa ziian azaiady. Bul týraly QR Ekologiia, geologiia jáne resýrstar ministrligi Ekologiialyq retteý jáne baqylaý komitetiniń tóraǵasy Zulfuhar Joldasovtyń óńirge sapary barysynda belgili boldy.
Ministrlik ókilderi sý tazalaý ǵimaratynyń qurylysymen tanysyp, sarqyndy sýdy tazalaýdyń ekologiialyq tiimdiligi máselesin talqylady.
«Sý tazalaý stantsiiasy qurylysyn bastarda tabiǵat qorǵaý qyzmetindegi ozyq tehnologiialardy qoldaný máselesin eskerdik. Atalǵan joba óndiristik te, ekologiialyq ta máselelerdi sheshedi. Tazalanatyn sý kólemin arttyrý arqyly Astrahan-Mańǵyshlaq sý qubyrynan alynatyn sý kólemin 70%-ǵa azaitamyz jáne býlaný toǵandaryna jiberiletin sý sapasyn jaqsartamyz. Sýdy qosymsha tazalaý arqyly quramyndaǵy metanol, munai, kúkirtsýtek, temir jáne qatty zattardyń kólemi azaiady»,- dedi North Caspian Operating kompaniiasy Bas direktorynyń orynbasary Ermek Marabaev.
Ekologiialyq retteý jáne baqylaý komitetiniń tóraǵasy Zulfuhar Sansyzbaevtyń sózinshe, buryn munaidan qalǵan óndiristik sarqyndy sýdyń quramyndaǵy las zattar kólemi shekti shamadan asyp ketý jaǵdailary tirkelgen. Jańa joba sol problemany joiýǵa múmkindik beredi.
«Endi zaýytta sýdy tazalaý eki faza boiynsha júrmek: biri - óndiriste, ekinshisi - osy jańa stantsiiada. Sý quramyndaǵy metanoldy tazalaý 65%-ǵa, munai zattary boiynsha 95%-ǵa, kúkirsýtek boiynsha 75%-ǵa azaitpaq. Sol sebepti bul ekologiialyq turǵydan óte mańyzdy shara. Onyń ústine Astrahan-Mańǵystaý magistralinen keletin sýdy Atyraý, Mańǵystaý oblystarynyń halqy tutynady. Ony munai kompaniiasyn tutynýdy azaitsa, sý jergilikti halyqqa jetkilikti bolady»,- dedi komitet tóraǵasy.
Qazirgi ýaqytta sý tazalaý stantsiiasy ornynda negizgi qurylys jumystary bastaldy. Ol 2022 jyldyń jeltoqsanynda aiaqtalyp, nysan 2023 jyldyń basynda paidalanýǵa beriledi dep kútilýde.
