Memeket basshysy Qasym-Jomart Toqaevtyń ótinish berýshilermen aradaǵy jumys sapasyn arttyrý týraly tapsyrmasyn oryndaýǵa baǵyttalǵan taǵy bir joba tolyq iske asty.
Bul týraly Prezidenttiń bapasóz hatshysy Berik Ýáli Facebook paraqshasynda jazdy.
Prezident Qasym-Jomart Toqaev jyl basyndaǵy Úkimettiń keńeitilgen otrysynda azamattardyń ótinishterin esepke alý isin jetildirýdi tapsyrǵan bolatyn.
«Ótinish berýshilermen aradaǵy jumys sapasyn arttyrý úshin jańa «E-ótinish» aqparattyq júiesin jáne «Nátije» ortalyqtaryn ashýǵa tapsyrma berildi. Atalǵan júie 1 shildege deiin barlyq memkelekettik organdarda iske qosylýy tiis», - degen bolatyn Prezident.
Berik Ýálidiń aitýynsha, 1 shildeden beri «E-ótinish» aqparatty júiesi jáne halyqqa qyzmet kórsetý ortalyqtary janynda «Nátije» jobasy jumys istep tur.
«E-ótinish» júiesi ótinishterdi qaraýǵa bailanysty artyq biýrokratiialandyrýdy boldyrmaidy jáne azamattarǵa óz ótinishteriniń memlekettik organdarda qaralý barysyn qadaǵalaýǵa múmkindik beredi», - dep jazady Prezidenttiń baspasóz hatshysy.
Keltirilgen derek boiynsha, búginde bul aqparattyq júiege 38 myńnan astam uiym «memlekettik organdar men melekettik uiymdar) qosylǵan jáne 160 myńnan astam qyzmetker jumys isteidi.
«Barlyq «Azamattarǵa arnalǵan úkimet» kommertsiialyq emes aktsionerlik qoǵamynyń bazasynda ótinishterdi qabyldaityn jáne azamattarǵa ótinishti rásimdeý kezinde konsýltatsiialyq kómek beretin 259 «Nátije» ortalyǵy quryldy», - dep jazylǵan málimette.
