Qazaqstan kolledjderine akademiialyq derbestik beriledi. Bul týraly Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Kolledjderge akademiialyq derbestik beriledi. Atalǵan shara bilim berý baǵdarlamalarynyń mazmunyn ózgertýge múmkindik berip, oqytý merzimderin qysqartyp, bilim sapasyn arttyrady, eńbek naryǵyna jyldam shyǵarýdy qamtamasyz etedi», - dedi Ashat Aimaǵambetov.
Onyń atap ótýinshe, joǵary bilim júiesinde biyldan bastap aimaq tiregi jobasy iske asyryla bastaidy. Naqty kriteriiler boiynsha 15 óńirlik joǵary oqý orny irikteledi.
«Osy ýniversitetterdi damytý úshin nysanaly qarjy bólip, jańa zerthanalar men bilim baǵdarlamalary ashylyp, bilim berý sapasyn kóteremiz», - dedi ministr.
