Búgin el Prezidentiniń qatysýymen Ulttyq qoǵamdyq senim keńesiniń úshinshi otyrysy ótti. Bul basqosý, negizinen, densaýlyq saqtaý men bilim berý salasynyń máselelerine arnaldy.
Jiynda Memleket basshysy osy atalǵan salalardy odan ári reformalaý boiynsha naqty ustanymdaryn jariia etti. Keńes músheleri de óz oilaryn ortaǵa salyp, pikirlerimen bólisti.
Ulttyq qoǵamdyq senim keńesi qoǵamdaǵy ózekti máselelerdi ýaqtyly kóterýimen erekshelenip keledi. Bul Prezident aitqan «halyq kúnine qulaq asatyn memleket» tujyrymdamasynyń iske asyp otyrǵanynyń kórinisi. Sebebi, qoǵamdyq máselelerdiń kóshede emes, osyndai keńeste der kezinde talqylanyp, sheshimderdiń usynylýy óte mańyzdy dep esepteimin.
Prezidenttiń naqty tapsyrmalary zań normalarynda kórinis tabýy kerek. Sondyqtan biyl Parlamentke osy atalǵan máselelerdi qamtityn birneshe zań jobasy kelip túsýi múmkin. Mysaly, bilim salasyna qatysty, onyń ishinde JOO muǵalimderiniń jalaqysyn, pedagogikalyq mamandyqtar boiynsha bilim alatyn stýdentterdiń shákirtaqysyn kóterýge bailanysty zańdar ázirlenýi múmkin.
Qazirdiń ózinde Májiliske ǵylym máseleleri boiynsha zańnamalyq aktilerge ózgerister men tolyqtyrýlar engizýdi kózdeitin zań jobasy kelip tústi. Sondyqtan, Prezidenttiń kótergen bastamalary men bergen tapsyrmalarynyń zań normalarymen bekitilýi asa mańyzdy.
Murat BAQTIIaRULY,
Parlament Senatynyń depýtaty
