بٷگٸن ەل پرەزيدەنتٸنٸڭ قاتىسۋىمەن ۇلتتىق قوعامدىق سەنٸم كەڭەسٸنٸڭ ٷشٸنشٸ وتىرىسى ٶتتٸ. بۇل باسقوسۋ, نەگٸزٸنەن, دەنساۋلىق ساقتاۋ مەن بٸلٸم بەرۋ سالاسىنىڭ مەسەلەلەرٸنە ارنالدى.
جيىندا مەملەكەت باسشىسى وسى اتالعان سالالاردى ودان ەرٸ رەفورمالاۋ بويىنشا ناقتى ۇستانىمدارىن جارييا ەتتٸ. كەڭەس مٷشەلەرٸ دە ٶز ويلارىن ورتاعا سالىپ, پٸكٸرلەرٸمەن بٶلٸستٸ.
ۇلتتىق قوعامدىق سەنٸم كەڭەسٸ قوعامداعى ٶزەكتٸ مەسەلەلەردٸ ۋاقتىلى كٶتەرۋٸمەن ەرەكشەلەنٸپ كەلەدٸ. بۇل پرەزيدەنت ايتقان «حالىق كٷنٸنە قۇلاق اساتىن مەملەكەت» تۇجىرىمداماسىنىڭ ٸسكە اسىپ وتىرعانىنىڭ كٶرٸنٸسٸ. سەبەبٸ, قوعامدىق مەسەلەلەردٸڭ كٶشەدە ەمەس, وسىنداي كەڭەستە دەر كەزٸندە تالقىلانىپ, شەشٸمدەردٸڭ ۇسىنىلۋى ٶتە ماڭىزدى دەپ ەسەپتەيمٸن.
پرەزيدەنتتٸڭ ناقتى تاپسىرمالارى زاڭ نورمالارىندا كٶرٸنٸس تابۋى كەرەك. سوندىقتان بيىل پارلامەنتكە وسى اتالعان مەسەلەلەردٸ قامتيتىن بٸرنەشە زاڭ جوباسى كەلٸپ تٷسۋٸ مٷمكٸن. مىسالى, بٸلٸم سالاسىنا قاتىستى, ونىڭ ٸشٸندە جوو مۇعالٸمدەرٸنٸڭ جالاقىسىن, پەداگوگيكالىق ماماندىقتار بويىنشا بٸلٸم الاتىن ستۋدەنتتەردٸڭ شەكٸرتاقىسىن كٶتەرۋگە بايلانىستى زاڭدار ەزٸرلەنۋٸ مٷمكٸن.
قازٸردٸڭ ٶزٸندە مەجٸلٸسكە عىلىم مەسەلەلەرٸ بويىنشا زاڭنامالىق اكتٸلەرگە ٶزگەرٸستەر مەن تولىقتىرۋلار ەنگٸزۋدٸ كٶزدەيتٸن زاڭ جوباسى كەلٸپ تٷستٸ. سوندىقتان, پرەزيدەنتتٸڭ كٶتەرگەن باستامالارى مەن بەرگەن تاپسىرمالارىنىڭ زاڭ نورمالارىمەن بەكٸتٸلۋٸ اسا ماڭىزدى.
مۇرات باقتييارۇلى,
پارلامەنت سەناتىنىڭ دەپۋتاتى
