Memleket basshysynyń tapsyrmalarynyń oryndalýyna qoǵam belsene qatysýy kerek. Bul týraly qoǵam qairatkeri Murat Ábenov aitty, dep habarlaidy QazAqparat.
«Kóptegen máseleler qamtyldy. Olar negizinen ótken jyldardaǵy reformalardyń qisyndy jalǵasy dep túsindim. Olardyń júzege asyrylýy tek bilikke ǵana emes, sonymen qatar qoǵamǵa da bailanysty», - dedi Murat Ábenov Prezident Joldaýyn onlain rejimde ótken talqylaý barysynda.
Osy oraida ol qoǵam saiasi reformalarǵa daiyn bolýy kerektigin atap ótti.
«Eger qoǵam daiyn bolmasa, saiasi belsendik turǵysynan álsizdik tanylsa, onda bir orynda turalap qalatynymyz anyq. Sondyqtan kóp qadamdar qoǵamnyń ózine de bailanysty», - dedi M. Ábenov.
Aita keteiik, 2020 jylǵy 1 qyrkúiekte Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saiynǵy dástúrli Joldaýyn jariialady.
«Eger azamattarymyzdyń ál-aýqatyn shyn máninde jaqsartqymyz kelse, olardyń ózderin osy iske belsendi túrde tartqan jón. Aldaǵy saiasi reformalardyń barlyǵy halyqty memleket basqarý isine keńinen qatystyrýǵa baǵyttalýy kerek. Mysaly, qoǵamdyq pikir saýalnamalary aýyl ákimderiniń sailaý arqyly qyzmetke kelýine qatysty suranystyń artqanyn kórsetip otyr. Bul mańyzdy qadamdy jan-jaqty oilastyryp, dáiekti túrde júzege asyrǵan jón. Mundai júieniń qalai jumys isteitinin naqty bilýimiz kerek. Alaida, bul máseleniń sheshimin keiinge qaldyrýǵa bolmaidy. Kelesi jyly birqatar aýyldyq okrýg ákimderiniń ókilettik merzimi aiaqtalady. Aýyl ákimderiniń tikelei sailaýyn ótkizýge bolady dep oilaimyn», - dedi Prezident.
