مەملەكەت باسشىسىنىڭ تاپسىرمالارىنىڭ ورىندالۋىنا قوعام بەلسەنە قاتىسۋى كەرەك. بۇل تۋرالى قوعام قايراتكەرٸ مۇرات ەبەنوۆ ايتتى, دەپ حابارلايدى قازاقپارات.
«كٶپتەگەن مەسەلەلەر قامتىلدى. ولار نەگٸزٸنەن ٶتكەن جىلدارداعى رەفورمالاردىڭ قيسىندى جالعاسى دەپ تٷسٸندٸم. ولاردىڭ جٷزەگە اسىرىلۋى تەك بيلٸككە عانا ەمەس, سونىمەن قاتار قوعامعا دا بايلانىستى», - دەدٸ مۇرات ەبەنوۆ پرەزيدەنت جولداۋىن ونلاين رەجيمدە ٶتكەن تالقىلاۋ بارىسىندا.
وسى ورايدا ول قوعام ساياسي رەفورمالارعا دايىن بولۋى كەرەكتٸگٸن اتاپ ٶتتٸ.
«ەگەر قوعام دايىن بولماسا, ساياسي بەلسەندٸك تۇرعىسىنان ەلسٸزدٸك تانىلسا, وندا بٸر ورىندا تۇرالاپ قالاتىنىمىز انىق. سوندىقتان كٶپ قادامدار قوعامنىڭ ٶزٸنە دە بايلانىستى», - دەدٸ م. ەبەنوۆ.
ايتا كەتەيٸك, 2020 جىلعى 1 قىركٷيەكتە مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بٸرلەسكەن وتىرىسىندا قازاقستان حالقىنا جىل سايىنعى دەستٷرلٸ جولداۋىن جارييالادى.
«ەگەر ازاماتتارىمىزدىڭ ەل-اۋقاتىن شىن مەنٸندە جاقسارتقىمىز كەلسە, ولاردىڭ ٶزدەرٸن وسى ٸسكە بەلسەندٸ تٷردە تارتقان جٶن. الداعى ساياسي رەفورمالاردىڭ بارلىعى حالىقتى مەملەكەت باسقارۋ ٸسٸنە كەڭٸنەن قاتىستىرۋعا باعىتتالۋى كەرەك. مىسالى, قوعامدىق پٸكٸر ساۋالنامالارى اۋىل ەكٸمدەرٸنٸڭ سايلاۋ ارقىلى قىزمەتكە كەلۋٸنە قاتىستى سۇرانىستىڭ ارتقانىن كٶرسەتٸپ وتىر. بۇل ماڭىزدى قادامدى جان-جاقتى ويلاستىرىپ, دەيەكتٸ تٷردە جٷزەگە اسىرعان جٶن. مۇنداي جٷيەنٸڭ قالاي جۇمىس ٸستەيتٸنٸن ناقتى بٸلۋٸمٸز كەرەك. الايدا, بۇل مەسەلەنٸڭ شەشٸمٸن كەيٸنگە قالدىرۋعا بولمايدى. كەلەسٸ جىلى بٸرقاتار اۋىلدىق وكرۋگ ەكٸمدەرٸنٸڭ ٶكٸلەتتٸك مەرزٸمٸ اياقتالادى. اۋىل ەكٸمدەرٸنٸڭ تٸكەلەي سايلاۋىن ٶتكٸزۋگە بولادى دەپ ويلايمىن», - دەدٸ پرەزيدەنت.
