Atyraý munai óńdeý zaýytynyń bas direktory aýysty, dep habarlaidy "Ult aqparat" kompaniianyń baspasóz qyzmetine silteme jasap.
«QazMunaiGaz» UK AQ basqarmasynyń sheshimimen «Atyraý munai óńdeý zaýyty» JShS bas direktory bolyp Arman Qaiyrdenov taǵaiyndaldy.
Kásiporynnyń burynǵy basshysy Shýxrat Danbai qyzmetinen bosatyldy.
Arman Qurmetuly Qaiyrdenov 1971 jyly Atyraýda dúniege kelgen.
Qazaq ximiia-texnologiia institýtyn bitirgen.
Mamandyǵy - injener-ximik-texnolog.
2003 jyly Resei Federatsiiasy úkimeti janyndaǵy Halyq sharýashylyǵy akademiiasyn munai biznesi mamandyǵy boiynsha támamdady.
Eńbek jolyn 1993 jyly Atyraý munai óńdeý zaýytynda texnologiialyq qurylǵy operatory bolyp bastady.
Zaýytta túrli laýazymdarda 13 jyl jumys istedi.
Sondai-aq, ár jyldary «QazMunaiGaz» UK AQ munai óńdeý departamenti direktorynyń orynbasary, bas direktordyń orynbasary, Rompetrol Rafinare S.A. bas direktory qyzmetterin atqardy.
2012-2013 jyldary « AMÓZ» JShS bas direktory boldy. 2020 jyldyń shildesinen osy ýaqytqa deiin «QazMunaiGaz» UK AQ munai jáne munai-ximiia óńdeý departamentiniń direktory bolyp jumys istedi.
Aita keteiik, taiaýda Prezident Qasym-Jomart Toqaev suiytylǵan gaz jetkizýshi kásiporyn – Atyraý munai óńdeý zaýytynyń jumysyn synǵa alǵan bolatyn.
«Jańǵyrtý jumystary 2018 jyly aiaqtalǵanyna qaramastan, kásiporyn jumysynda áli de irkilister bar. Nátijesinde, munai ónimderiniń barlyq túri boiynsha óndiris kólemi kemip, sonyń ishinde, suiytylǵan gaz azaiyp ketti. Bul janarmai quiý stantsiialaryndaǵy tapshylyqqa jáne baǵanyń sharyqtaýyna alyp keldi. Osyǵan bailanysty Úkimetke suiytylǵan gazǵa degen suranystyń artý perspektivasyn zerttep, ony óndirýdiń qosymsha qýat kózderin izdestirý jóninde usynys engizýdi tapsyramyn. Gaz taratý júiesine qatysty máseleni jeke qarastyrý qajet. Qazirgi ýaqytta atalǵan protsess jabyq ári túsiniksiz jaǵdaida iske asyrylady. Bul sybailas jemqorlyqtyń etek jaiýyna alyp keledi. Tiimsiz deldaldarǵa jol bermeý jáne naryq baǵasyn qalyptastyrý maqsatynda elektrondy saýda alańdary engizildi. Olardyń áleýetin barynsha paidalaný kerek. Memlekettik organdar men biznes jańa tártipte jumys isteýge beiimdelýi tiis», – dedi Qasym-Jomart Toqaev.
