Qasym-Jomart Toqaev Sybailas jemqorlyqqa qarsy is-qimyl agenttiginiń tóraǵasy Marat Ahmetjanovty qabyldady, dep habarlaidy "Ult aqparat" Aqordaǵa silteme jasap.
Sybailas jemqorlyqqa qarsy vedomstvonyń basshysy Prezidentke agenttiktiń biylǵy 11 aidaǵy jumysynyń nátijeleri týraly baiandady.
Marat Ahmetjanovtyń aitýynsha, biylǵy 11 aidyń ishinde 1576 sybailas jemqorlyq qylmys tirkelgen. 1280 azamat, onyń ishinde respýblikalyq jáne oblystyq deńgeidegi 159 basshy jemqorlyq qylmys boiynsha jaýapqa tartylǵan. Talan-tarajǵa túsken 20 milliard teńgeden astam qarjy biýdjetke qaitaryldy.
Marat Ahmetjanov Memleket basshysyna aýyl sharýashylyǵyn sýbsidiialaýǵa jasalǵan keshendi saraptamalardyń, kólik salasyndaǵy jaǵdailardyń jáne qylmystyq ister boiynsha sotqa deiingi tergep-tekserýdiń qorytyndylary týraly málimet berdi.
Sondai-aq Prezidentke 2022-2026 jyldarǵa arnalǵan Sybailas jemqorlyqqa qarsy saiasat tujyrymdamasyn ázirleý týraly tapsyrmasynyń oryndalý barysy jóninde esep berildi.
Memleket basshysy sybailas jemqorlyqqa qarsy kúrestiń jańa tásilderin qoldady jáne Agenttiktiń jumysyna oń baǵa berdi.
