Elimizge tanymal ánshi Tamara Asar Memleket basshysy Qasym-Jomart Toqaevtyń Qazaqstan ulttyq telearnasyna bergen suhbatynan keiingi pikirimen bólisti, dep habarlaidy QazAqparat.
«Prezidenttiń suhbatyn bastan-aiaq tyńdadym. Aldymen maǵan unaǵany suhbatty memlekettik tilde bergeni, qulaqqa jaǵymdy. Jáne barlyq suraqtarǵa diplomatiialyq turǵyda jaýap berdi. Iaǵni kese-kóldeneń jaýap bolǵan joq. Bul ár qazaqstandyq úlgi alatyn dúnie. Jyly suhbat boldy. Taǵy bir janyma jaqyn kelgen jait, Memleket basshysy halyqty eńbek etýge shaqyrdy. Shynynda da, halyq eńbek sózinen alshaqtap ketken sekildi. Naǵyz eńbekqorlar azaiyp barady», - dedi Tamara Asar.
Ánshiniń aitýynsha, elde jumysshy taptyń sapasyn arttyrý qajet.
«Prezidenttiń eńbekshil halyq máselesin kótergeni maǵan qatty unady. Sebebi, qazir ekiniń biri saiasatker, bloger nemese internettiń gúli. Qara jumystyń adamy az, naǵyz eńbekqor, jumysshy kúshi kóbeise», - deidi óner juldyzy.
Aita keteiik, búgin Memleket basshysy Qazaqstan ulttyq telearnasyna arnaiy suhbat berdi.
Prezidenttiń málimdeýinshe, qur sózdiń zamany ketip, iske kóshetin ýaqyt keldi.
