Foto: Aqorda
Memleket basshysy Qasym-Jomart Toqaev sý sharýashylyǵy qyzmetkerlerin kásibi merekesimen quttyqtap, bul salanyń el úshin strategiialyq mańyzy zor ekenin atap ótti, dep habarlaidy Ult.kz.
Prezidenttiń aitýynsha, Qazaqstannyń keń baitaq aýmaǵynyń jartysynan astamy shól jáne shóleitti jerlerge jatady. Sondyqtan sý máselesin ulttyq qaýipsizdik deńgeiinde qarastyrý qajet.
«2023 jylǵy Joldaýymda sýdy tiimdi paidalaný máselesine arnaiy toqtaldym. Elde Sý resýrstary jáne irrigatsiia ministrligi qurylyp, naqty mindetter belgilendi. Jańa Sý kodeksi qabyldandy, iri infraqurylymdyq jobalar júzege asyrylyp jatyr. Sý nysandaryn salýǵa jáne qalpyna keltirýge qomaqty qarjy bólindi», – dedi Memleket basshysy.
Búginde salada 30 myńǵa jýyq adam jumys isteidi. Alaida áli de bilikti maman tapshy. Osyǵan bailanysty Qazaq ulttyq sý sharýashylyǵy jáne irrigatsiia ýniversiteti qurylyp, grant sany eki ese artty. 500-den astam stýdent tegin bilim alýda. Jalaqy da ósip jatyr — byltyr 25 paiyzǵa ósti, biyl taǵy kóbeimek.
Prezident 500-ge jýyq aýyldy taza aýyz sýmen qamtý – qazirgi kezeńdegi shuǵyl mindet ekenin aitty. «Qala halqy men aýyl turǵyndarynyń kópshiligi taza aýyz sýmen qamtamasyz etildi. Endi aýyz sýdy tazartý jáne shalǵai aýyldarǵa jetkizý máselesi – basty nazarda», – dedi ol.
Sýdy únemdeýge yntalandyrý úshin «az paidalansań — az tóleisiń» degen jańa tarif engizilgen. Sonymen qatar, sý únemdeý tehnologiialaryn qoldanatyn sharýalarǵa jumsaǵan qarajatynyń 80%-y óteledi. Qazirdiń ózinde 470 myń gektar jerge osyndai júieler engizilgen.
Tsifrlandyrý jáne sýdy esepke alý salasynda da ózgerister qajet ekenin aitqan Prezident:
«Qazirgi jaǵdai máz emes. Sýdy únemdeý – bolashaqty saqtaý», – dep naqtylady.
«Taza Qazaqstan» aktsiiasy aiasynda 2 millionnan astam oqýshy «Sýdy únemde – bolashaqty saqta!» jobasyna qatysqan. Prezident bul bastama arqyly óskeleń urpaqtyń sý qundylyǵyn tereń túsinip ósýine jol ashylatynyn jetkizdi.
