فوتو: اقوردا
مەملەكەت باسشىسى قاسىم-جومارت توقاەۆ سۋ شارۋاشىلىعى قىزمەتكەرلەرٸن كەسٸبي مەرەكەسٸمەن قۇتتىقتاپ, بۇل سالانىڭ ەل ٷشٸن ستراتەگييالىق ماڭىزى زور ەكەنٸن اتاپ ٶتتٸ, دەپ حابارلايدى Ult.kz.
پرەزيدەنتتٸڭ ايتۋىنشا, قازاقستاننىڭ كەڭ بايتاق اۋماعىنىڭ جارتىسىنان استامى شٶل جەنە شٶلەيتتٸ جەرلەرگە جاتادى. سوندىقتان سۋ مەسەلەسٸن ۇلتتىق قاۋٸپسٸزدٸك دەڭگەيٸندە قاراستىرۋ قاجەت.
«2023 جىلعى جولداۋىمدا سۋدى تيٸمدٸ پايدالانۋ مەسەلەسٸنە ارنايى توقتالدىم. ەلدە سۋ رەسۋرستارى جەنە يرريگاتسييا مينيسترلٸگٸ قۇرىلىپ, ناقتى مٸندەتتەر بەلگٸلەندٸ. جاڭا سۋ كودەكسٸ قابىلداندى, ٸرٸ ينفراقۇرىلىمدىق جوبالار جٷزەگە اسىرىلىپ جاتىر. سۋ نىساندارىن سالۋعا جەنە قالپىنا كەلتٸرۋگە قوماقتى قارجى بٶلٸندٸ», – دەدٸ مەملەكەت باسشىسى.
بٷگٸندە سالادا 30 مىڭعا جۋىق ادام جۇمىس ٸستەيدٸ. الايدا ەلٸ دە بٸلٸكتٸ مامان تاپشى. وسىعان بايلانىستى قازاق ۇلتتىق سۋ شارۋاشىلىعى جەنە يرريگاتسييا ۋنيۆەرسيتەتٸ قۇرىلىپ, گرانت سانى ەكٸ ەسە ارتتى. 500-دەن استام ستۋدەنت تەگٸن بٸلٸم الۋدا. جالاقى دا ٶسٸپ جاتىر — بىلتىر 25 پايىزعا ٶستٸ, بيىل تاعى كٶبەيمەك.
پرەزيدەنت 500-گە جۋىق اۋىلدى تازا اۋىز سۋمەن قامتۋ – قازٸرگٸ كەزەڭدەگٸ شۇعىل مٸندەت ەكەنٸن ايتتى. «قالا حالقى مەن اۋىل تۇرعىندارىنىڭ كٶپشٸلٸگٸ تازا اۋىز سۋمەن قامتاماسىز ەتٸلدٸ. ەندٸ اۋىز سۋدى تازارتۋ جەنە شالعاي اۋىلدارعا جەتكٸزۋ مەسەلەسٸ – باستى نازاردا», – دەدٸ ول.
سۋدى ٷنەمدەۋگە ىنتالاندىرۋ ٷشٸن «از پايدالانساڭ — از تٶلەيسٸڭ» دەگەن جاڭا تاريف ەنگٸزٸلگەن. سونىمەن قاتار, سۋ ٷنەمدەۋ تەحنولوگييالارىن قولداناتىن شارۋالارعا جۇمساعان قاراجاتىنىڭ 80%-ى ٶتەلەدٸ. قازٸردٸڭ ٶزٸندە 470 مىڭ گەكتار جەرگە وسىنداي جٷيەلەر ەنگٸزٸلگەن.
تسيفرلاندىرۋ جەنە سۋدى ەسەپكە الۋ سالاسىندا دا ٶزگەرٸستەر قاجەت ەكەنٸن ايتقان پرەزيدەنت:
«قازٸرگٸ جاعداي مەز ەمەس. سۋدى ٷنەمدەۋ – بولاشاقتى ساقتاۋ», – دەپ ناقتىلادى.
«تازا قازاقستان» اكتسيياسى اياسىندا 2 ميلليوننان استام وقۋشى «سۋدى ٷنەمدە – بولاشاقتى ساقتا!» جوباسىنا قاتىسقان. پرەزيدەنت بۇل باستاما ارقىلى ٶسكەلەڭ ۇرپاقتىڭ سۋ قۇندىلىعىن تەرەڭ تٷسٸنٸپ ٶسۋٸنە جول اشىلاتىنىن جەتكٸزدٸ.
