Qazaqstannyń Memlekettik hatshysy Gúlshara Ábdiqalyqova Qazaqstan Respýblikasy Tuńǵysh Prezidenti – Elbasynyń 2017 jyl boiynsha mádeniet salasyndaǵy memlekettik stipendiialaryn tapsyrdy, dep habarlaidy "Ult aqparat" Aqordanyń baspasóz qyzmetine silteme jasap.
Bul stipendiialar jyl saiyn Qazaqstan Respýblikasynyń qurmetti ataqtary men memlekettik marapattaryn ielengen shyǵarmashylyq jáne mádeniet adamdaryn, sonymen qatar asa daryndy shyǵarmashyl jastardy elimizdiń mádenietin qalyptastyrý, saqtaý jáne damytýǵa qosqany úlesi úshin memlekettik qoldaý maqsatynda beriledi.
Biyl memlekettik stipendiiany ádebiet pen ónerdiń 75 qairatkeri ielendi. Olardyń arasynda Asanáli Áshimov, Myrzatai Joldasbekov, Sábit Dosanov, Bibigúl Tólegenova siiaqty metrler bar.
Memlekettik kómek Medet Shotabaev, Irina Ten, Jambyl Dúisenov, Ádil Ahmetov syndy jastar men taǵy basqalaryna berildi. Is-sharanyń ashylýy kezinde Gúlshara Ábdiqalyqova kelgen qonaqtardy quttyqtap, bul stipendiianyń olarǵa Qazaqstannyń mádeniet salasyn damytýǵa qosqan úlesteri úshin berilgenin aityp ótti.
Memlekettik hatshy jinalǵan qaýymdy Elbasy Nursultan Nazarbaevtyń kelesi sózderine qulaq asýǵa shaqyrdy: «Ulttyń áleýetin jaqsartý úshin mádenietimiz ben ideologiiamyzdy ári qarai órkendete túsýimiz kerek. «Rýhani jańǵyrýdyń» da mańyzy osyda. Túptiń-túbinde Qazaqstannyń ár azamaty óziniń tili men mádenietin, eliniń tarihyn tereń bilýmen qatar, shet tilderin meńgerip, joǵary deńgeide oilaý qabiletine ie bolýy tiis».
Sondai-aq, Gúlshara Ábdiqalyqova osy jyldyń eń basty oqiǵasy - Táýelsiz Qazaqstannyń simvoly men onyń basty jetistikterine ainalǵan Astananyń 20-jyldyq mereitoiy ekenin atap ótti.
Astana – bul barlyq qazaq eliniń qajyrly eńbegi men Prezident ideialarynyń júzege asýy. Memleket hatshysy Qazaqstannyń shyǵarmashylyq intelligentsiia ókilderi QR Prezidentiniń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýy men elimizdiń mádenieti men óneriniń damýyn iske asyrýǵa zor úles qosatynyna senim bildirdi.
