Prezidenttiń baspasóz hatshysy Rýslan Jeldibai Memleket basshysynyń AQSh-qa saparynyń aralyq qorytyndysyn jariialady.
Bul týraly Rýslan Jeldibai Facebook-paraqshasynda jazdy. Onyń aitýynsha, Prezidenttiń AQSh-qa jasaǵan saparynyń ekinshi kúni aiaqtalǵan.
"20 qyrkúiektiń basty oqiǵasy Birikken Ulttar Uiymy Bas Assambleiasy 77-sessiiasynyń Jalpy debaty boldy. Qasym-Jomart Toqaev atalǵan sharada sóz sóilep, birneshe jahandyq ózekti máseleni kóterdi. Prezident óz sózinde burynnan qalyptasqan álemdik qaýipsizdik júiesin qalpyna keltirýdiń, territoriialyq tutastyqty saqtaýdyń, elderdiń egemendigin qurmetteýdiń mańyzdylyǵyn atap ótti.
Sondai-aq Memleket basshysy Azyq-túlik jónindegi jahandyq sammitke de qatysyp, sóz sóiledi. Prezident álemdik naryqtaǵy Qazaqstannyń rólin attyrýǵa baǵyttalǵan birneshe usynys aitty. Ol elimizdiń astyq jáne basqa azyq-túlik túrlerin turaqty jetkizýine, Transkaspii halyqaralyq kólik baǵytyn damytýǵa qatysty boldy" - dedi Jeldibai.
Onyń sózinshe, Prezident biylǵy sheteldik saparlarda eń jii kótergen máseleniń biri - kólik-logistika máselesi. Iaǵni, búgingi kúrdeli geosaiasi jaǵdaiǵa qaramai otandyq taýarlardy álemdik naryqqa shaǵyraýdyń jańa joldary únemi qarastyrylyp jatyr. Sebebi bul el ekonomikasyna tikelei yqpal etetin mańyzdy faktor.
"Budan bólek, búgin Memleket basshysy BUU Bas hatshysy Antoniý Gýterrishpen, Eýropalyq Keńestiń Prezidenti Sharl Mishelmen, Eýropalyq komissiia Prezidenti Ýrsýla fon der Liaienmen, Avstriia Prezidenti Aleksandr Van der Bellenmen, Halyqaralyq Qyzyl Krest komitetiniń Prezidenti Piter Maýrermen kezdesip, ekijaqty máselelerdi talqylady. Sondai-aq Iordaniia Koroli II Abdallamen, Qatar Ámiri Tamim bin Hamad Ál Tanimen áńgimelesti.
Jalpy, Prezident sońǵy eki kúnde 27 kezdesý ótkizip, 3 iri sharaǵa qatysty" - dep túiindedi Prezidenttiń baspasóz hatshysy.
