Foto: Prezidenttiń baspasóz qyzmeti
Prezident Qasym-Jomart Toqaev Soltústik Qazaqstan oblysynyń sý basqan aýmaǵyn tikushaqpen aralap kórgennen keiin qarǵyn sý saldarynan evakýatsiialanǵan aýdandardyń halqymen kezdesti, dep habarlaidy "Ult aqparat".
Turǵyndarmen áńgimelesý barysynda Qasym-Jomart Toqaev shyǵyndardy óteý úshin memleket barlyq tiisti sharany qabyldaitynyn aitty. Qazirgi ýaqytta sý tasqynynan zardap shekken barlyq turǵynǵa birrettik kómek berilip jatyr jáne komissiia múlik shyǵyndaryn eseptegennen keiin ótemaqy tólenedi. Turǵyn úii jaramsyz azamattarǵa jańa baspana salynady jáne barlyq qajetti infraqurylymmen qamtamasyz etiledi. Sonymen qatar zardap shekken turǵyndardyń nesieleri men zaimdaryn tóleý merzimi shegeriledi.
Memleket basshysy eshbir azamat nazardan tys qalmaitynyn atap ótti.
"Qazir bárimiz óte kúrdeli kezeńdi bastan keship jatyrmyz. Bul – jalpyulttyq apat. Degenmen, bir jaǵynan alyp qarasaq, oń ózgerister de anyq baiqalady. Sýdyń beti qaityp keledi. Jaqyn aradaǵy 10 kúnde óte qaýipti bolady dep oilaimyn. Biraq biz elimiz boiynsha apat saldaryn joiý sharalaryn qabyldap jatyrmyz. Buǵan deiin aitqanymdai, Úkimet zardap shekken azamattardyń barlyǵyna qoldaý kórsetedi. Biz sý tasqyny saldarynan bolǵan barlyq shyǵyndy óteimiz. Árbir azamat, árbir otbasy memlekettiń qamqarlyǵynda bolady. Bul – men úshin basty mindet", – dedi Qasym-Jomart Toqaev.
Memleket basshysy elimizdiń birqatar óńirindegi sý tasqynyna bailanysty qalyptasqan kúrdeli jaǵdaidy eskere otyryp, sondai-aq biýdjet qarjysyn únemdeý maqsatynda Úkimetke, ortalyq memlekettik jáne jergilikti atqarýshy organdarǵa imidjdik jáne basqa da iri is-sharalardy ótkizbeý jóninde tapsyrma berdi.
"Men biýdjet qarjysyn únemdeý maqsatynda iri halyqaralyq forýmdy ótkizýden bas tarttym. Sonymen qatar Dúniejúzilik kóshpendiler oiyndaryna jumsalatyn shyǵyndy qysqartamyz. Árine, qazir bul sharadan túpkilikti bas tartý múmkin emes. Biraq oǵan jumsalatyn qarjy kólemi aitarlyqtai azaiady. Budan bólek, elimizdiń Tokioda ótetin Dúniejúzilik kórmege qatysýyna bólingen biýdjet te qysqarady", – dedi prezident.
Qasym-Jomart Toqaev barlyq memlekettik organǵa sý tasqyny saldarynan sabaq alýy kerek ekenin aitty.
"Bizde mundai apattardy aldyn ala eskertý júiesi jetispeidi. Qajetti mamandar da tapshy. Qazir gidrotehnik kadrlardy daiarlaý týraly shuǵyl sheshim qabyldandy", – dedi memleket basshysy.
