Foto: Aqorda
Memleket basshysy Qasym-Jomart Toqaev Shymkent qalasynyń ákimi Ǵabit Syzdyqbekovti qabyldap, óńirdiń biylǵy birinshi jartyjyldyqtaǵy áleýmettik-ekonomikalyq damýynyń qorytyndysymen tanysty, dep habarlaidy Ult.kz.
Ákimniń málimetinshe, jyl basynan beri negizgi kapitalǵa salynǵan investitsiia kólemi 31%-ǵa ósip, 360 mlrd teńgege jetken. Ónerkásipte 680 mlrd teńgeniń ónimi óndirilip, 517 myń sharshy metrden astam turǵyn úi paidalanýǵa berilgen. Qalada jańa indýstriialyq aimaqtar iske qosylyp, shaǵyn jáne orta biznes sýbektileriniń sany 139 myńnan asty.
Shymkentte infraqurylymdyq jobalar júzege asýda: jańa áýejai terminaly salyndy, temirjol vokzaly jańǵyrtyldy, 12 mektep pen Oqýshylar saraiy, sport nysandary ashyldy. Sondai-aq, Ońtústik ainalma joly men eki iri jolairyq paidalanýǵa berildi. Memleket menshigine Muz saraiy, sý sporty kesheni, №2 qalalyq emhana jáne birneshe áleýmettik nysan qaitaryldy.
Prezident qala ekonomikasyn ártaraptandyrýdy, qosymsha investitsiia tartýdy, shaǵyn biznesti qoldaýdy, áýejaiǵa jańa ushý-qoný jolaǵyn tóseýdi, bilim berý men turǵyn úi máselesin sheshýdi, jol infraqurylymyn jańǵyrtýdy tapsyrdy.
