Prezident sheteldik ǵylymi uiymdardyń basshylarymen kezdesti, dep habarlaidy "Ult aqparat" Aqorda saityna silteme jasap.
Memleket basshysy Chioda Technol Corp (Japoniia) kompaniiasynyń prezidenti Atarý Inoýimen, Laýe-Lanjeven institýtynyń (Frantsiia) jetekshi ǵylymi qyzmetkeri Valerii Nesvijevskiimen jáne Birikken iadrolyq zertteýler institýtynyń (Resei) direktory Grigorii Trýbnikovpen kezdesý ótkizdi.
Kezdesýde Qazaqstannyń iadrolyq ǵylym salasyn damytý perspektivalary talqylandy. Sheteldik ǵylymi uiymdardyń basshylary qazaqstan tarabymen tyǵyz yntymaqtastyq ornatýǵa qyzyǵýshylyq tanytty.
Prezident elimizdiń atom energiiasyn tek qana beibit maqsatta paidalanýdy jaqtaitynyn aitty. Onyń aitýynsha, Qazaqstan tabiǵi ýran óndirýden álemde birinshi orynda tur jáne iadrolyq otyn túrlerin ózi óndiredi. Elimizde iadrolyq salany ǵylymi-tehnikalyq turǵyda qoldai alatyn ǵylymi mekemeler men infraqurylym bar.
Áńgimelesý barysynda olar Qazaqstanda atom energetikasyn damytý, zamanaýi iadrolyq tehnologiialardy paidalaný, otandyq bilikti kadrlardy daiarlaý máseleleri jóninde pikir almasty.
