Kontrabanda otandyq ónerkásipke, azamattar densaýlyǵyna qaýip tóndirip tur. Bul týraly Memleket basshysy Qasym-Jomart Toqaev Úkimettiń keńeitilgen otyrysynda málim etti, dep habarlaidy QazAqparat.
Prezident kontrabanda máselesine toqtala kele, bul problema salyq salasyna, sondai-aq otandyq ónerkásipke, azamattar densaýlyǵyna, qorshaǵan ortaǵa tikelei qater týdyratynyn atap ótti.
Sonymen qatar, Memleket basshysy memleket saiasatynyń mańyzdy júiesiniń biri kedendik-tariftik baǵyttyń tiimdiligi jetkiliksiz ekenin aitty.
«Úkimetke biylǵy 1 qyrkúiekke deiin memleket shekarasynda zańsyz taýar ainalymyna qarsy is-qimyldyń keshendi baǵdarlamasyn daiarlaýdy tapsyramyn», - dedi Toqaev.
Osy oraida Prezident atalan baǵdarlama kedendik ákimshilendirýdi jaqsartýdy, tehnikalyq retteý jetildirýdi, sondai-aq shekaradaǵy ózge de qadaǵalaýdy jaqsartýdy qamtýy kerektigin tapsyrdy.
