Memleket basshysy Qasym-Jomart Toqaev shahmattan álem chempiony atanǵan Bibisara Asaýbaevany quttyqtady, - dep habarlaidy "Ult aqparat".
"Bibisara Asaýbaevany blits boiynsha ótken álem chempionatyndaǵy jarqyn jeńisimen quttyqtaimyn. Bul keremet jetistik barsha qazaqstandyq úshin, ásirese shahmat áýesqoilary úshin Jańa jyl qarsańyndaǵy jaǵymdy jańalyq boldy. Bibisaranyń tabystan tabysqa jete berýine tilektestik bildiremin!", - delingen Prezidenttiń Twitter-paraqshasynda.
Qazaqstandyq shahmatshy Bibisara Asaýbaeva Polshada ótken álem chempionatynda (FIDE World Rapid and Blitz 2021) blitsten úzdik kórsetkishke ie bolyp, jeńimpaz atandy. Jas shahmatshy 17 kezeńde 14 upai jinap shyqty. Ekinshi orynda – rapidten álem chempiony atanǵan reseilik Aleksandra Kosteniýk, Reseidiń taǵy bir ókili Valentina Gýnina úshinshi oryndy ielendi.
Buǵan deiin rapidten álem birinshiliginde Kosteniýk pen Ózbekstan ókili Nodirbek Abdýsattorov jeńiske jetken bolatyn. Rapidten álem chempionatynda ekinshi oryndy Bibisara Asaýbaeva ielendi (8,5 upai).
Bastapqyda týrnir Nur-Sultan qalasynda ótýi kerek edi, alaida epidemiologiialyq shekteýlerge bailanysty keiinge qaldyryldy.
Aita keteiik, bul - Qazaqstannyń eresekter arasyndaǵy shahmattaǵy alǵashqy altyny.
