2025 jylǵa deiin Semei qalasyn damytýdyń arnaiy baǵdarlamasyn ázirleý qajet. Bul týraly Memleket basshysy Qasym-Jomart Toqaev Semei qalasynyń ziialy qaýym ókilderimen kezdesýinde aitty, dep habarlaidy QazAqparat QR Prezidentiniń baspasóz hatshysy Berik Ýálige silteme jasap.
«Elbasy barlyq ýaqytta da sizderdiń qalalaryńyzdy damytýǵa airyqsha nazar aýdaryp keldi. Ózderińizde bilesizder, 2017 jyly Semei qalasyn áleýmettik-ekonoikalyq damytýdyń bes jyldyq keshendi baǵdarlamasy aiaqtaldy. Ony júzege asyrý qalanyń, irgeles eldi mekenderdiń kommýnaldyq jáne áleýmettik infraqurylymynda oń ózgeristerge qol jetkizýge, jylýmen jabdyqtaý jáne abattandyrýdy jaqsartýǵa múmkindik berdi. Qala turǵyndary ómiriniń laiyqty sapasyn qamtamasyz etý munan ary da bizdiń negizgi maqsatymyz bolyp qala beredi», - dedi Memleket basshysy.
QR Prezidentiniń dereginshe, 350 myń turǵyny bar qalanyń jyldyq biýdjeti ne bári 56,6 mlrd teńgeni ǵana qurap otyr.
«Sondyqtan oblys basshylyǵyna 2025 jylǵa deiin Semei qalasyn damytýdyń arnaiy baǵdarlamasyn ázirleýge bastamashylyq jasaýdy tapsyramyn. Bul qala damýynyń mindetterin qysqa merzimdi keleshekte ózektendirýge múmkindik jasaidy. Baǵdarlama ekonomika men áleýmettik saladaǵy ósimniń jańa serpinin beredi», - dedi Q.Toqaev.
Memleket basshysy Semei qalasynda iri mashina jasaý kásiporyndary jumys isteitindigin, «Semaz» avtobýstar, traktorlar men arnaiy avtomobilderdi shyǵaratyndyǵyn aitty.
«Semeidiń ónerkásiptik áleýetin barynsha belsendi paidalaný qajet. Úkimet pen barlyq óńirlerdiń ákimderine otandyq tehnikalalardy satyp alýdy arttyrý múmkinshiligin zerdeleýdi tapsyramyn», - dedi QR Prezidenti.
.jpeg)