Túrkistan oblystyq aýmaqtyq sailaý komissiiasynyń 7 qazandaǵy málimeti boiynsha, óńirde 1 mln. 168 myń 477 sailaýshy tirkelgen. Sondai-aq, óńirdegi 17 aýdan-qala boiynsha 519 sailaý ýchaskesi bar. Qazirgi tańda olardaǵy materialdyq-tehnikalyq jabdyqtalýy talapqa sai tolyq daiyn. Bul týraly Túrkistan oblysynyń Óńirlik kommýnikatsiialar qyzmeti habarlady.
Túrkistan oblystyq aýmaqtyq sailaý komissiiasynyń tóraǵasy Álibek Ómirálievtiń aitýynsha, oblys turǵyndary elimizdegi saiasi naýqandarǵa belsendi aralasyp keledi.
«Buǵan deiingi sailaýlarda óńir turǵyndarynyń qatysý kórsetkishi boiynsha respýblikada birneshe ret kósh bastadyq. Biylǵy Prezident sailaýynda túrkistandyq daýys berýshiler belsendilik tanytady dep oilaimyz. Óitkeni barlyq aýdan-qalalarda daýys berýshilerdiń tizimi jasaqtalyp, sailaý ýchaskeleri saqadai-sai. Endi elimizdegi saiasi mańyzy zor sailaý kúninde oblys turǵyndaryn daýys berýge shaqyramyz», - dedi ol.
Aita ketsek, Táýelsizdik alǵaly beri elimizde jalpyhalyqtyq Prezident sailaýy alty ret ótken bolatyn. Atap aitqanda, 1991, 1999, 2005, 2011, 2015 jáne 2019 jyldary. Biyl 1 qyrkúiekte Memleket basshysy Qasym-Jomart Toqaev 20-qarasha kezekten tys Prezident sailaýy ótetinin málimdedi.
