«Qazaqstan Team» qoǵamdyq birlestigi kezekten tys Prezident sailaýyna kandidat retinde Qasym-Jomart Toqaevty usyndy, dep habarlaidy QazAqparat tilshisi.
Astanada «Qazaqstan Team» jastar qoǵamdyq respýblikalyq birlestiginiń otyrysy ótti. Atalǵan jiynda birlestik músheleri 20 qarashada ótetin Prezident sailaýyna Qasym-Jomart Toqaevtyń kandidatýrasyn usyndy.
«Biz Memleket basshysyn qoldaýmen qatar, 20 qarashada ótetin Prezident sailaýyna Qasym-Jomart Toqaevtyń kandidatýrasyn usynamyz. Sebebi bizdiń uiym Memleket basshysy usynǵan jáne iske asyp jatqan reformalar paketin qoldaidy. Bizdiń birlestik músheleri túrli salada eńbek etedi jáne Prezident reformasy olardyń bárine qatysty. Bizdiń oiymyzsha Qasym-Jomart Toqaev – laiyqty kandidat», - dedi «Qazaqstan Team» jastar qoǵamdyq birlestiginiń jetekshisi Oljas Súleimenov.
Onyń aitýynsha, atalǵan qoǵamdyq uiymnyń 200-den astam múshesi bar.
«Bizdiń birlestiktiń maqsaty – intellektýaldy jastardyń basyn qosyp, el damýyna úles qosý. Birlestik músheleriniń deni kásipkerler jáne túrli sala sarapshylary. Biz qoǵamǵa paidaly is-sharalar ótkizemiz. Sonyń biri - «30 qaiyrymdy is» qaiyrymdylyq aktsiiasy», - deidi ol.
