Kezekten tys prezident sailaýynyń alǵashqy Exit poll nátijeleri jariialandy, dep habarlaidy "Ult aqparat".
«Qazaqstan» teleradiokorporatsiiasy tapsyrysymen «Ashyq qoǵam» óńirlik zertteýller institýty júrgizgen Exit poll nátijesi boiynsha, 20 qarashada ótken kezekten tys prezident sailaýyna qatysqandardyń 82,45 paiyzy Qasym-Jomart Toqaevqa daýys bergen.
«Ashyq qoǵam» óńirlik institýtynyń ókilderi Exit poll-dyń standartty ádistemesi boiynsha sailaý ýchaskesine barǵan azamattar arasynda saýalnama júrgizip, «Siz qai kandidatqa daýys berdińiz?» degen suraq qoiǵan.
Sonymen, Exit poll nátijesi:
Qaraqat Ábden — 2,54%;
Nurlan Áýesbaev — 2,17%;
Jigýli Dairabaev — 3,33%;
Meiram Qajyken — 2,23 %;
Qasym-Jomart Toqaev — 82,45%;
Saltanat Tursynbekova — 2,08%;
Bárine qarsymyn – 5,12%.
Sondai-aq, «Astana» telearnasynyń tikelei efirinen «AMANAT» partiiasy janyndaǵy Qoǵamdyq saiasat institýty da óz derekterin jariialady.
Institýt ókilderi júrgizgen saýalnamaǵa 70 myńnan astam adam qatysqan.
Nátije tómendegidei:
Odan bólek, «31» telearna tapsyrysymen «SOTsIS-A» «Keshendi áleýmettik zertteýler institýty – Astana» JQ júrgizgen saýalnama qorytyndysy belgili boldy.
Exit poll nátijesi mynadai:
Qaraqat Ábden – 2,84%;
Nurlan Áýesbaev – 2,38%;
Jigýli Dairabaev – 3,68%;
Meiram Qajyken - 2,62%;
Qasym-Jomart Toqaev – 82,02%;
Saltanat Tursynbekova – 2,24 %;
Bárine qarsymyn – 4,22%.
Aita keteiik, búgin Qazaqstanda kezekten tys prezident sailaýy ótti. Ortalyq sailaý komissiiasynyń málimetine sáikes, saǵat 22.00-degi jaǵdai boiynsha sailaýshylardyń 69,43%-i nemese 8 299 501 adam daýys bergen.
Eń tómengi kórsetkish respýblikalyq mańyzy bar úsh qalada tirkelgen. Olar:
Almaty qalasy – 28,72%
Astana qalasy – 48,60%
Shymkent qalasy – 59,79%.
Al qalǵan óńirlerde – 66-81 paiyzdyń mańaiynda. Eń joǵary kórsetkish - Jetisý oblysynda, ol óńirde sailaýshylardyń 81,42 protsenti daýys bergen.
