Prezident Qasym-Jomart Toqaev Saýd Arabiiasynyń Memlekettik investitsiialyq qoryn (PIF) basqarýshy Iasir Ál-Rýmaiianmen kezdesti, dep habarlaidy "Ult aqparat" Aqordaǵa silteme jasap.
Memleket basshysyna álemdegi eń iri derbes ál-aýqat qorynyń biri – Saýd Arabiiasynyń memlekettik investitsiialyq qorynyń qyzmeti jóninde aqparat berildi. Qor basshysy Iasir Ál-Rýmaiian ekonomikanyń ártúrli salalarynda júzege asyrylyp jatqan jobalar týraly aitty.
Qasym-Jomart Toqaev Qazaqstannyń ártúrli salalar boiynsha ózara tiimdi yntymaqtastyqty júzege asyrýǵa nietti ekenin atap ótip, ózara ortaq múddeni kózdeitin jobalardy júzege asyrý úshin Saýdiia Arabiiasy investitsiialyq qory men «Samuryq-Qazyna» AQ jáne «UBH «Báiterek» kompaniialary arasyndaǵy tyǵyz yqpaldastyqty jolǵa qoiýdy usyndy.
Qor Saýdiianyń basqa da kompaniialary siiaqty munai-himiia ónerkásibindegi, jasyl energetikany damytý salasyndaǵy, metallýrgiia jáne taý-ken sektorlaryndaǵy, sondai-aq aýyl sharýashylyǵyn tereń óńdeý jónindegi iri investitsiialyq jobalarǵa qatysýǵa shaqyryldy.
