Qazaqstan Prezidenti «Samuryq-Qazyna» UÁQ» AQ Basqarma tóraǵasy Almasadam Sátqalievti qabyldady, dep habarlaidy Aqorda.
Memleket basshysyna «Samuryq-Qazyna» UÁQ» aktsionerlik qoǵamynyń qazirgi jumysy men negizgi qarjylyq kórsetkishteri, kásiporyndaǵy sanitarlyq-epidemiologiialyq ahýal, sondai-aq, qor qyzmetkerlerine ekpe egý barysy týraly baiandaldy.
Qasym-Jomart Toqaevqa infraqurylym, munai-gaz jáne energetika baǵytyndaǵy mańyzdy jobalardyń júzege asyrylý barysy jóninde málimet berildi.
Sonymen qatar Almasadam Sátqaliev Prezidentke gaz tasymaldaý infraqurylymyn jańǵyrtý, Qashaǵan ken ornyndaǵy gazdy qaita óńdeý zaýytynyń qurylysy, «Astrahan-Mańǵyshlaq» magistraldi sý taratqyshy men «Dostyq-Moiynty» temirjol kólik dálizin qaita jańǵyrtý josparyn aitty.
Kezdesý qorytyndysy boiynsha Memleket basshysy infraqurylymdyq jobalardy iske asyrýǵa, jańa jumys oryndaryn ashýǵa jáne qazaqstandyq ónimniń úlesin arttyrýǵa qatysty birqatar naqty tapsyrma berdi.
