Memleket basshysy "Samuryq-Qazyna" AQ basqarma tóraǵasy Almasadam Sátqalievti qabyldady, - dep habarlaidy "Ult aqparat" Aqordanyń resmi saityna silteme jasap.
Prezidentke "Samuryq-Qazyna" aktsionerlik qoǵamyn reformalaýdyń ekinshi kezeńiniń júzege asyrylyp jatqany týraly baiandaldy. Bul kezeńde negizinen portfeldik kompaniialardyń tiimdiligin arttyrýǵa, olardyń shyǵyndaryn ońtailandyra otyryp, naryqtaǵy qunyn ulǵaitýǵa basa mán berilip otyr. Biznestiń áleýmettik jaýapkershiligin arttyrý da asa mańyzdy.
Almasadam Sátqaliev Memleket basshysyna Qordyń strategiialyq aktivterdegi baqylaýshylyq úlesin saqtai otyryp, aktivterdi jekeshelendirý baǵdarlamasyn iske asyrýdy jalǵastyratynyn aitty.
Sonymen qatar Qasym-Jomart Toqaevqa "Samuryq-Qazyna" aktsionerlik qoǵamynyń gazben jáne sýmen qamtý, kólik jáne energetika salalaryndaǵy mańyzdy jobalary jóninde málimet berildi. Bul jobalardyń júzege asyrylýy Qazaqstan halqynyń ómir súrý sapasyn jaqsartýǵa, jańa jumys oryndaryn ashýǵa septigin tigizedi. Qor basymdyq beretin jobalar tizimin keńeitýdi josparlap otyr.
Kezdesý qorytyndysy boiynsha Prezident Qorǵa qarasty kompaniialar toby qyzmetiniń tiimdiligin arttyrýǵa, sonyń ishinde jobalardy iske asyrýdyń naqty merzimderine jáne halyq aldyndaǵy ashyqtyqty qamtamasyz etýge bailanysty birqatar naqty tapsyrma berdi.
