Memleket basshysy Premer-Ministr Oljas Bektenovti qabyldady, dep habarlaidy Aqordanyń baspasóz qyzmeti.
Prezidentke elimizdiń qazirgi áleýmettik-ekonomikalyq jaǵdaiy jáne ekonomikanyń ósimin qamtamasyz etý jospary týraly baiandaldy.
Premer-Ministr Oljas Bektenov Memleket basshysyna otandyq taýar óndirýshilerdi qoldaýdy kúsheitý úshin qabyldanyp jatqan sharalar jaiynda málimet berdi. Qazaqstandyq ónimderdiń úlesin arttyrý maqsatynda memlekettik organdardyń, jer qoinaýyn paidalanýshylar men kvazimemlekettik sektordyń satyp alý rásimderin jetildirý jumystary bastaldy.
Memleket basshysynyń tapsyrmasy boiynsha ónerkásiptiń perspektivti salalaryn qarqyndy túrde damytýǵa erekshe nazar aýdarylyp jatyr.
Sonymen qatar Prezidentke Zańsyz iemdenilgen aktivterdi memleketke qaitarý máseleleri jónindegi komissiianyń jumysy týraly aityldy.
Kezdesý sońynda Qasym-Jomart Toqaev elimizdi áleýmettik-ekonomikalyq turǵydan odan ári damytý jóninde birqatar tapsyrma berdi.
