Memleket basshysy Qasym-Jomart Toqaev pravoslav hristiandaryn Pasha merekesimen quttyqtady, - dep habarlaidy Aqorda.
«Qurmetti otandastar!
Elimizdiń pravoslav qaýymyn qasietti Pasha merekesimen shyn júrekten quttyqtaimyn!
Meiirimdilik pen janashyrlyqqa úndeitin bul meiram qasterli qundylyqtardy dáripteidi.
Hristian dininiń igilikteri adamǵa izgilik pen qaiyrymdylyq darytady. Pasha meiramy rýhani birlikti, shynaiy baýyrlastyqty nyǵaitýǵa jol ashady.
Búkil álem qaýipti indetpen kúresip jatqan qazirgidei kezeńde barlyq din ókilderi úshin rýhtyń beriktigi men ózara yntymaqtastyqtyń mańyzy zor.
Halqymyz bereke-birliktiń, parasat pen tózimniń arqasynda kez-kelgen qiyndyqty abyroimen eńseredi dep senemin.
Barsha pravoslav hristiandaryna jáne otandastarymyzǵa myqty densaýlyq, mol baqyt, tolaǵai tabys tileimin!», - delingen quttyqtaýda.
