مەملەكەت باسشىسى قاسىم-جومارت توقاەۆ پراۆوسلاۆ حريستياندارىن پاسحا مەرەكەسٸمەن قۇتتىقتادى, - دەپ حابارلايدى اقوردا.
«قۇرمەتتٸ وتانداستار!
ەلٸمٸزدٸڭ پراۆوسلاۆ قاۋىمىن قاسيەتتٸ پاسحا مەرەكەسٸمەن شىن جٷرەكتەن قۇتتىقتايمىن!
مەيٸرٸمدٸلٸك پەن جاناشىرلىققا ٷندەيتٸن بۇل مەيرام قاستەرلٸ قۇندىلىقتاردى دەرٸپتەيدٸ.
حريستيان دٸنٸنٸڭ يگٸلٸكتەرٸ ادامعا ٸزگٸلٸك پەن قايىرىمدىلىق دارىتادى. پاسحا مەيرامى رۋحاني بٸرلٸكتٸ, شىنايى باۋىرلاستىقتى نىعايتۋعا جول اشادى.
بٷكٸل ەلەم قاۋٸپتٸ ٸندەتپەن كٷرەسٸپ جاتقان قازٸرگٸدەي كەزەڭدە بارلىق دٸن ٶكٸلدەرٸ ٷشٸن رۋحتىڭ بەرٸكتٸگٸ مەن ٶزارا ىنتىماقتاستىقتىڭ ماڭىزى زور.
حالقىمىز بەرەكە-بٸرلٸكتٸڭ, پاراسات پەن تٶزٸمنٸڭ ارقاسىندا كەز-كەلگەن قيىندىقتى ابىرويمەن ەڭسەرەدٸ دەپ سەنەمٸن.
بارشا پراۆوسلاۆ حريستياندارىنا جەنە وتانداستارىمىزعا مىقتى دەنساۋلىق, مول باقىت, تولاعاي تابىس تٸلەيمٸن!», - دەلٸنگەن قۇتتىقتاۋدا.
