QR Prezidenti Qasym-Jomart Toqaev «Nur Otan» partiiasynyń ataýyna bailanysty pikirtalasqa qatysqanyn aitty, dep habarlaidy QazAqparat.
«Partiia barlyq reformaǵa uiytqy bolýǵa tiis. Ol úshin ózgeristi aldymen ózimizden bastaýymyz kerek. Sondyqtan búgingi kúntártibindegi negizgi másele - partiiany jańǵyrtý. Zaman, qoǵam, adam ózgerip jatqanda partiianyń ózgerýi zańdylyq. Bul - ýaqyt talaby. Osyǵan orai jańa ǵana aitylǵandai, saiasi uiymnyń ataýyn «Amanat» dep ózgertý usynyldy. Jasyratyn eshteńe joq, men de bul máselege bailanysty pikirtalasqa qatystym. Birneshe usynys boldy. Sonyń ishinen «Amanat» degen ataýǵa toqtaldyq. Bul - elimiz úshin de, ultymyz úshin de airyqsha máni bar kieli uǵym», - dedi Memleket basshysy «Nur Otan» partiiasynyń kezekten tys sezinde.
QR Prezidentiniń aitýynsha, egemendimiz, eldigimiz ben birligimiz, keń baitaq jerimiz bizge babalardan jetken amanat. Osy qasterli qundylyqtarymyzdy kózdiń qarashyǵyndai saqtap, bolashaqqa miras etýimiz kerek.
«Memlekettilik, dástúr jalǵastyǵy, urpaq sabaqtastyǵy degenimiz mine osy. Halqymyz eshqashan amanatqa qiianat jasamaǵan. Partiia bul qaǵidatty berik ustanady», - dedi Qasym-Jomart Toqaev.
