قر پرەزيدەنتٸ قاسىم-جومارت توقاەۆ «Nur Otan» پارتيياسىنىڭ اتاۋىنا بايلانىستى پٸكٸرتالاسقا قاتىسقانىن ايتتى, دەپ حابارلايدى قازاقپارات.
«پارتييا بارلىق رەفورماعا ۇيىتقى بولۋعا تيٸس. ول ٷشٸن ٶزگەرٸستٸ الدىمەن ٶزٸمٸزدەن باستاۋىمىز كەرەك. سوندىقتان بٷگٸنگٸ كٷنتەرتٸبٸندەگٸ نەگٸزگٸ مەسەلە - پارتييانى جاڭعىرتۋ. زامان, قوعام, ادام ٶزگەرٸپ جاتقاندا پارتييانىڭ ٶزگەرۋٸ زاڭدىلىق. بۇل - ۋاقىت تالابى. وسىعان وراي جاڭا عانا ايتىلعانداي, ساياسي ۇيىمنىڭ اتاۋىن «امانات» دەپ ٶزگەرتۋ ۇسىنىلدى. جاسىراتىن ەشتەڭە جوق, مەن دە بۇل مەسەلەگە بايلانىستى پٸكٸرتالاسقا قاتىستىم. بٸرنەشە ۇسىنىس بولدى. سونىڭ ٸشٸنەن «امانات» دەگەن اتاۋعا توقتالدىق. بۇل - ەلٸمٸز ٷشٸن دە, ۇلتىمىز ٷشٸن دە ايرىقشا مەنٸ بار كيەلٸ ۇعىم», - دەدٸ مەملەكەت باسشىسى «Nur Otan» پارتيياسىنىڭ كەزەكتەن تىس سەزٸندە.
قر پرەزيدەنتٸنٸڭ ايتۋىنشا, ەگەمەندٸمٸز, ەلدٸگٸمٸز بەن بٸرلٸگٸمٸز, كەڭ بايتاق جەرٸمٸز بٸزگە بابالاردان جەتكەن امانات. وسى قاستەرلٸ قۇندىلىقتارىمىزدى كٶزدٸڭ قاراشىعىنداي ساقتاپ, بولاشاققا ميراس ەتۋٸمٸز كەرەك.
«مەملەكەتتٸلٸك, دەستٷر جالعاستىعى, ۇرپاق ساباقتاستىعى دەگەنٸمٸز مٸنە وسى. حالقىمىز ەشقاشان اماناتقا قييانات جاساماعان. پارتييا بۇل قاعيداتتى بەرٸك ۇستانادى», - دەدٸ قاسىم-جومارت توقاەۆ.
