Prezident "Otyrar sazy" orkestriniń jetekshisi Dinara Tilendievany qabyldady, - dep habarlaidy "Ult aqparat" Aqorda saityna silteme jasap.
Kezdesý barysynda qazaq mádenietin damytý máseleleri talqylandy.
Dinara Tilendieva Qazaqstan Prezidentine "Otyrar sazy" memlekettik akademiialyq folklorlyq-etnografiialyq orkestriniń qyzmeti men aldaǵy jospary týraly málimet berdi.
Atap aitqanda, ol birqatar perspektivti jobany júzege asyrý jaiynda, onyń ishinde italiialyq tenor Andrea Bochellidiń repertýaryndaǵy jáne basqa da qazaqtyń halyq aspaptarynda oinaityn belgili mýzykanttardyń tanymal shyǵarmalaryn oryndaý jóninde baiandady.
2025 jyly asa kórnekti kompozitor Nurǵisa Tilendievtiń týǵanyna 100 jyl tolady. Kezdesýde osy mereitoiǵa arnaiy nazar aýdaryldy.
Qasym-Jomart Toqaev atalǵan mańyzdy oqiǵany keń kólemde atap ótý qajet ekenin aitty.
