Memleket basshysy Qasym-Jomart Toqaev qyzmettik boryshyn atqarý kezinde aýyr jaraqat alyp, aýrýhanada kóz jumǵan Astana qalasy Tótenshe jaǵdailar departamenti órt sóndirý jáne avariialyq-qutqarý jumystary qyzmeti jedel kezekshisiniń kómekshisi Asqar Serikuly Zabikýlinniń dúnieden ótýine bailanysty otbasy men jaqyn týystaryna kóńil aitý jedelhatyn joldady, dep habarlaidy "Ult aqparat" Aqordanyń resmi saityna silteme jasap.
"Asqar Serikuly tótenshe jaǵdailar salasynda eńbek etip, elimizge adal qyzmet etýdiń úlgisin kórsete bilgen azamat edi. Astanadaǵy kópqabatty úide bolǵan órt kezinde oqiǵa ornyna shuǵyl jetip, birneshe adamnyń ómirin saqtap qaldy. Osy bir áreketi arqyly ol Otan aldyndaǵy azamattyq antyna berik ekenin jáne janqiiarlyq erligin kórsetti. Onyń esimi men jarqyn beinesi halqymyzdyń júreginde saqtalady. Marqumnyń jany jánnatta, imany salamat bolsyn", – dep jazylǵan jedelhatta.
Sondai-aq Memleket basshysynyń tapsyrmasy boiynsha erjúrek órt sóndirýshiniń esimin máńgi este saqtaý maqsatynda Astana qalasyndaǵy kóshelerdiń birine Asqar Zabikýlinniń esimi berilip, biýsti ornatylady.
