مەملەكەت باسشىسى قاسىم-جومارت توقاەۆ قىزمەتتٸك بورىشىن اتقارۋ كەزٸندە اۋىر جاراقات الىپ, اۋرۋحانادا كٶز جۇمعان استانا قالاسى تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸ جەدەل كەزەكشٸسٸنٸڭ كٶمەكشٸسٸ اسقار سەرٸكۇلى زابيكۋليننٸڭ دٷنيەدەن ٶتۋٸنە بايلانىستى وتباسى مەن جاقىن تۋىستارىنا كٶڭٸل ايتۋ جەدەلحاتىن جولدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
"اسقار سەرٸكۇلى تٶتەنشە جاعدايلار سالاسىندا ەڭبەك ەتٸپ, ەلٸمٸزگە ادال قىزمەت ەتۋدٸڭ ٷلگٸسٸن كٶرسەتە بٸلگەن ازامات ەدٸ. استاناداعى كٶپقاباتتى ٷيدە بولعان ٶرت كەزٸندە وقيعا ورنىنا شۇعىل جەتٸپ, بٸرنەشە ادامنىڭ ٶمٸرٸن ساقتاپ قالدى. وسى بٸر ەرەكەتٸ ارقىلى ول وتان الدىنداعى ازاماتتىق انتىنا بەرٸك ەكەنٸن جەنە جانقييارلىق ەرلٸگٸن كٶرسەتتٸ. ونىڭ ەسٸمٸ مەن جارقىن بەينەسٸ حالقىمىزدىڭ جٷرەگٸندە ساقتالادى. مارقۇمنىڭ جانى جەنناتتا, يمانى سالامات بولسىن", – دەپ جازىلعان جەدەلحاتتا.
سونداي-اق مەملەكەت باسشىسىنىڭ تاپسىرماسى بويىنشا ەرجٷرەك ٶرت سٶندٸرۋشٸنٸڭ ەسٸمٸن مەڭگٸ ەستە ساقتاۋ ماقساتىندا استانا قالاسىنداعى كٶشەلەردٸڭ بٸرٸنە اسقار زابيكۋليننٸڭ ەسٸمٸ بەرٸلٸپ, بيۋستٸ ورناتىلادى.
