Memleket basshysy Qasym-Jomart Toqaev Aqorda rezidentsiiasynda oblystardyń jáne Nur-Sultan, Almaty, Shymkent qalalarynyń ákimderimen keńes ótkizdi, dep habarlaidy Aqordanyń baspasóz qyzmeti.
Jiyn barysynda óńirlerdiń áleýmettik-ekonomikalyq damýyna qatysty ózekti máseleler talqylandy.
Prezident Úkimet pen ákimderge áleýmettik-ekonomikalyq máselelerdi jedel sheshý jáne halyqtyń ál-aýqatyn arttyrý jóninde sharalar keshenin qabyldaýdy tapsyrdy.
Qasym-Jomart Toqaev Jańa Qazaqstandy qurý strategiiasy aiasynda saiasi reformalardyń kezekti toptamasyn iske asyrý boiynsha birqatar mindet júktedi.
Atap aitqanda, ákimder azamattarmen jumys isteý tártibin qaita qaraýy kerek, sondai-aq aýdan jáne aýyl turǵyndarymen jii kezdesip, olardy mazalaǵan máselelerdi sheshýi, qoǵam senimin arttyrýy qajet.
Úkimet pen ákimdikterge jumyssyzdyq deńgeiin tómendetý, kásipkerlikti damytý, jańa jumys oryndaryn ashý jóninde júieli sharalar qabyldaýǵa tapsyrma berildi.
Keńes qorytyndysy boiynsha Memleket basshysy oblystardyń jáne respýblikalyq mańyzy bar qalalardyń ákimderine búgingi Qazaqstan halqyna arnalǵan Joldaýda júktelgen mindetterdi sapaly júzege asyrý jóninde tapsyrma berdi.
